சென்னை விமானதள ஓடுபாதையில் மழைநீர் தேங்கியதால் தரையிறங்குவதில் தாமதம்

ரபீக் · ரபீக் Sun Jun 27, 2010 10:10 am

சென்னையில் ஏற்பட்ட திடீர் மழையால் மீனம்பாக்கம் விமான நிலையத்தில் விமானங்கள் தரையிறங்குவதில் தாமதம் ஏற்பட்டது.
சென்னையில் நேற்று மாலை திடீரென பலத்த மழை கொட்டியது. சென்னை விமான நிலைய பகுதியில் மாலை 4.30 மணியில் இருந்து கடும் மழை பெய்தது.

விமான நிலைய விரிவாக்க பணியும் நடந்து வருவதால் அங்கு ஓடுபாதை அருகில் உள்ள மழைநீர் வடிகாலில் அடைப்பு ஏற்பட்டுள்ளது. இதனால் மழைநீர் சூழ்ந்தது.

அப்பொழுது, கொழும்பில் இருந்து ஜெட் ஏர்வேஸ், கிங் பிஷர், இந்தியன் ஏர்லைன்ஸ் விமானங்கள், பெங்களூரில் இருந்து கிங் பிஷர், கோவையில் இருந்து ஜெட் ஏர்வேஸ், ஐதராபாத்தில் இருந்து ஸ்பைஜெட் ஆகிய 6 விமானங்கள் சென்னை விமான நிலையத்துக்கு வந்தன. ஆனால், விமான நிலைய ஓடுபாதை தெரியாமல் குளம் போல் தண்ணீர் தேங்கி உள்ளதால் விமான நிலையத்தில் தரையிறங்க அனுமதி கொடுக்கவில்லை.

விமானங்களை வானிலேயே பறக்கும்படி விமானக் கட்டுப்பாட்டு அதிகாரிகள் விமானிகளுக்கு உத்தரவிட்டனர். அதன்படி 6 விமானங்களும் சுமார் அரை மணி நேரத்துக்கு மேலாக வானிலேயே வட்டமடித்தன. மழை சிறிது ஓய்ந்ததும் விமான நிலைய பணியாளர்கள் அவசர அவசரமாக மழைநீர் வடிகாலில் ஏற்பட்டிருந்த அடைப்புகளை சரிசெய்து ஓடுபாதையில் தேங்கி இருந்த மழைநீரை வெளியேற்றினர்.

அதன்பின் 6 விமானங்களும் ஒன்றன்பின் ஒன்றாக தரை இறங்கின. அதேபோல், சென்னையில் இருந்து டெல்லி, மும்பை, பெங்களூர், ஐதராபாத் புறப்பட இருந்த 7 விமானங்கள் ஒரு மணி நேரம் தாமதமாக புறப்பட்டன. இதனால் பயணி கள் தவித்தனர்.

kalaimoon70 · kalaimoon70 Sun Jun 27, 2010 11:16 am

காப்பாற்ற இறைவன் போதுமானவன்.................

சென்னை விமானதள ஓடுபாதையில் மழைநீர் தேங்கியதால் தரையிறங்குவதில் தாமதம்

சென்னை விமானதள ஓடுபாதையில் மழைநீர் தேங்கியதால் தரையிறங்குவதில் தாமதம்

Re: சென்னை விமானதள ஓடுபாதையில் மழைநீர் தேங்கியதால் தரையிறங்குவதில் தாமதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக