சென்னை காவல்துறைக்கு கண்காணிப்பு கேமராவுடன் புதிய வாகனம் அறிமுகம்

ரபீக் · ரபீக் Sat Jun 26, 2010 10:39 am

பாதுகாப்பை பலப்படுத்தவும், கூட்டங்கள், ஆர்ப்பாட்டங்களின் போது கண்காணிப்பில் ஈடுபடவும் சென்னை போலீசில் கேமராவுடன் கூடிய வாகனம் விரைவில் அறிமுகம் செய்யப்பட உள்ளது.
சென்னையில் பாதுகாப்பை பலப்படுத்த போலீசார் பல நடவடிக்கைகளை எடுத்து வருகின்றனர். போக்குவரத்து குற்றங்களை கண்டுபிடிக்க ஏற்கனவே வாங்கப்பட்ட ஸ்கார்பியோ வாகனம் போலீஸ் துறையில் பெரிதும் பயன்பட்டு வருகிறது. இப்போது, பாதுகாப்பை மேலும் பலப்படுத்த, பொதுக் கூட்டம், அரசியல் கூட்டம், பண்டிகை காலங்கள், மக்கள் அதிகமாக கூடும் இடங்களில் ரகசியமாக கண்காணிக்க புதிய அதிநவீன பஸ் வாங்கப்பட உள்ளது.

இந்த பஸ்சில், ரகசிய கண்காணிப்பு கேமரா உள்ளது. அத்துடன், டிஷ் ஆன்டனாவும் பொருத்தப்பட்டுள்ளது. இதன் மூலம் வாகனத்துக்கு உள்ளே இருந்து வெளியே என்ன நடக்கிறது என்பதை துல்லியமாக கண்காணிக்க முடியும். வெளியே நடப்பதை பஸ்சுக்குள் உள்ள திரையில் இருந்து கண்காணிக்க முடியும். கண்காணித்ததை சேமித்து வைக்கவும் முடியும். இதன் மூலம் திருட்டு உட்பட பல சமூக விரோத செயல்களை தடுக்க முடியும். குற்றவாளிகளை அடையாளம் கண்டு கைது செய்யவும் இது உதவும்.

கண்காணிப்பு பஸ்சில் யார் இருக்கிறார்கள், என்ன நடக்கிறது என்பதை வெளியில் இருந்து பார்க்க முடியாது. போலீஸ் கட்டுப்பாட்டு அறை போல் இந்த பஸ் செயல்படும். இந்த பஸ் விரைவில் சென்னை போலீஸ் பாதுகாப்பு பணியில் ஈடுபடுத்தப்பட உள்ளது. பஸ்சை போலீஸ் கமிஷனர் ராஜேந்திரன் நேற்று பார்வையிட்டு ஆய்வு செய்தார். பின்னர், பஸ்சில் செய்ய வேண்டிய சில மாற்றங்களை அதிகாரிகளுக்கு எடுத்துரைத்தார்

kalaimoon70 · kalaimoon70 Sat Jun 26, 2010 11:04 am

kilaisyed · kilaisyed Sat Jun 26, 2010 12:08 pm

பதிவிற்க்கு நன்றி

Sponsored content · Sponsored content

சென்னை காவல்துறைக்கு கண்காணிப்பு கேமராவுடன் புதிய வாகனம் அறிமுகம்

சென்னை காவல்துறைக்கு கண்காணிப்பு கேமராவுடன் புதிய வாகனம் அறிமுகம்

Re: சென்னை காவல்துறைக்கு கண்காணிப்பு கேமராவுடன் புதிய வாகனம் அறிமுகம்

Re: சென்னை காவல்துறைக்கு கண்காணிப்பு கேமராவுடன் புதிய வாகனம் அறிமுகம்

Re: சென்னை காவல்துறைக்கு கண்காணிப்பு கேமராவுடன் புதிய வாகனம் அறிமுகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக