கண்ணீரைத் துடைக்க இன்று அப்பாவும் இல்லை

kavinele · kavinele Sun Jun 13, 2010 4:29 pm

அப்பா...

எப்படி எப்படி
எல்லாமோ
தன் பாசம்
உணர்த்துவாள் அம்மா
ஒரேயொரு
கைஅழுத்தத்தில்
எல்லாமே
உணர்த்துவார்
அப்பா...

முன்னால்
சொன்னதில்லை
பிறர் சொல்லித்தான்
கேட்டிருக்கிறேன்
என்னைப்
பற்றி பெருமையாக
அப்பா
பேசிக்கொண்டிருந்ததை...

அம்மா
எத்தனையோ முறை
திட்டினாலும்
உறைத்ததில்லை
உடனே
உறைத்திருக்கிறது
என்றேனும்
அப்பா
முகம் வாடும் போது

உன் அப்பா
எவ்வளவு உற்சாகமாக
இருக்கிறார் தெரியுமா
என என் நண்பர்கள்
என்னிடமே சொல்லும்
போதுதான் எனக்குத்
தெரிந்தது
எத்தனை பேருக்குக்
கிடைக்காத தந்தை
எனக்கு மட்டும் என...

கேட்ட உடனே
கொடுப்பதற்கு
முடியாததால் தான்
அப்பாவை அனுப்பி
இருக்கிறாரோ
கடவுள்..?

சிறுவயதில்
என் கைப்பிடித்து
நடைபயில
சொல்லிக்கொடுத்த
அப்பா
என் கரம் பிடித்து
நடந்த போது
என்ன நினைத்திருப்பார்..?

லேசாக என் கால்
தடுமாறினாலும்
பதறும் அப்பா
இன்று நான்
தடுமாறிய போது
பதறாமல் இருக்கிறார்
மீளா துயிலில்...

அம்மா செல்லமா
அப்பா செல்லமா
என கேட்டபோதெல்லாம்
பெருமையாகச் சொல்லி
இருக்கிறேன்
அம்மா செல்லமான
அப்பா செல்லம் என
இன்று
அப்பா சென்ற பின்னர்
நான் யார் செல்லம்..?

எத்தனையோ பேர்
நான் இருக்கிறேன்
எனச் சொன்னாலும்
அப்பாவை போல்
யார் இருக்க முடியும்..?

சொல்லிக்
கொடுத்ததில்லை
திட்டியதும் இல்லை
இல்லை என்றும்
சொன்னதுமில்லை
வேண்டாம் எனக்
கூறியதும் இல்லை
இருந்தும் ஏதோ
ஒன்றினால்
கட்டுப்படுத்தியது
அப்பாவின் அன்பு

நானும் காட்டியதில்லை
அவரும் காட்டியதில்லை
எங்கள் பாசத்தை...
இருந்தும் காட்டிக்
கொடுத்த கண்ணீரைத்
துடைக்க இன்று
அப்பாவும் இல்லை..

அம்மாவிடம்
பாசத்தையும்
அப்பாவிடம்
நேசத்தையும்
இன்றே உணர்த்துங்கள்
சில நாளைகள்
இல்லாமலும் போகலாம்...

balakarthik · balakarthik Sun Jun 13, 2010 4:34 pm

நானும் காட்டியதில்லை
அவரும் காட்டியதில்லை
எங்கள் பாசத்தை...
இருந்தும் காட்டிக்
கொடுத்த கண்ணீரைத்
துடைக்க இன்று
அப்பாவும் இல்லை..

அருமையான வரிகள் மனதை நெகிழசெய்துவிட்டது வாழ்த்துக்கள் மகிழ்ச்சி

இந்த பதிவைத் துவங்கியவர் நன்றி கூறியுள்ளார் balakarthik

கலைவேந்தன் · கலைவேந்தன் Sun Jun 13, 2010 4:40 pm

வாசித்ததும் கண்கலங்கியதைத் தவிர்க்க முடியவில்லை.. நெஞ்சம் நெகிழவைத்த அருமையான கவிதைக்கு மனமார்ந்த பாராட்டுக்கள்...!

**ரிபாஸ்** · **ரிபாஸ்** Sun Jun 13, 2010 4:52 pm

ஹனி · ஹனி Sun Jun 13, 2010 7:27 pm

மனதை களங்க வைத்த கவிதை அருமை வாழ்த்துக்கள்.

asksulthan · asksulthan Sun Jun 13, 2010 7:39 pm

எனக்காகவே நீங்கள் எழுதியது போன்ற உணர்வு..

படித்ததும் கலங்கிவிட்டேன்.

மஞ்சுபாஷிணி · மஞ்சுபாஷிணி Sun Jun 13, 2010 8:15 pm

தந்தை அன்பை பூரணமாய் உணர
நேசம் பகிர்ந்த தாயும் உணர்த்தினள்

இருந்தபோது தெரியாத வெறுமை
அப்பாவின் மீளாதுயிலில்
பட்டவர்த்தனமாய் தெரிகிறது

அம்மாவாய் அப்பாவாய் எல்லாமாய்
செல்லமாய் இருந்த பொழுது
தெரியாத உணர்வு இப்போது குத்துகிறது

அப்பாவின் இடம் வெற்றிடமாய்
என் மனம் நிறைத்த நிறைகுடமாய்

அப்பாவின் அன்பை அணு அணுபாய் உணர்ந்து அனுபவித்து ரசித்து அப்பாவை இங்கே எழுதிய வரிகள் அத்தனையும் எத்தனையோ உயிராய் இருக்கும் அத்தனை தந்தைக்கும் சமர்ப்பணம்....

உங்கள் வரிகள் மனதை நெகிழவைத்துவிட்டது கவிநிலா..

அன்பு பாராட்டுக்கள்...

Nilavu · Nilavu Mon Jun 21, 2010 11:45 pm

உருக்கமான வரிகள்

**T.N.Balasubramanian** · **T.N.Balasubramanian** Tue Jun 22, 2010 6:40 am

உங்கள் உருக்கமான வரிகளுக்கு,நான் கூறும் ஆறுதல் வார்த்தை.
"மகன் ரூபத்தில் வருவார்,தந்தை ஒரு நாள்".!
ரமணீயன்

ஹாசிம் · ஹாசிம் Tue Jun 22, 2010 9:34 am

அற்புதமான அப்பா பற்றி அழகான வரிகளில் மெய்மறக்கச்செய்த கவி வரிகள் மிக்க நன்றி

Sponsored content · Sponsored content

கண்ணீரைத் துடைக்க இன்று அப்பாவும் இல்லை

கண்ணீரைத் துடைக்க இன்று அப்பாவும் இல்லை

Re: கண்ணீரைத் துடைக்க இன்று அப்பாவும் இல்லை

Re: கண்ணீரைத் துடைக்க இன்று அப்பாவும் இல்லை

Re: கண்ணீரைத் துடைக்க இன்று அப்பாவும் இல்லை

Re: கண்ணீரைத் துடைக்க இன்று அப்பாவும் இல்லை

Re: கண்ணீரைத் துடைக்க இன்று அப்பாவும் இல்லை

Re: கண்ணீரைத் துடைக்க இன்று அப்பாவும் இல்லை

Re: கண்ணீரைத் துடைக்க இன்று அப்பாவும் இல்லை

Re: கண்ணீரைத் துடைக்க இன்று அப்பாவும் இல்லை

Re: கண்ணீரைத் துடைக்க இன்று அப்பாவும் இல்லை

Re: கண்ணீரைத் துடைக்க இன்று அப்பாவும் இல்லை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக