மக்கள் வெள்ளத்தில் இன்றைய கண்காட்சியரங்கம்!

அப்புகுட்டி · அப்புகுட்டி Fri Jun 25, 2010 7:52 pm

உலகத் தமிழ்ச் செம்மொழி மாநாட்டின் கண்காட்சியரங்கம் மக்கள் வெள்ளத்தால் நிரம்பி வழிகிறது. சுமார் 500 மீற்றர் தூரம் வரை வரிசையில் நின்று மக்கள் கண்காட்சியைப் பார்ப்பதற்காக காத்து நிற்பதைக் காணக்கூடியதாக உள்ளது.

பழந்தமிழர் காலத்தில் உபயோகப்படுத்தப்பட்ட ஓலைச்சுவடிகள், கண்டெடுக்கப்பட்ட கல்வெட்டுக்கள், கற்சிலைகள், சிற்பப் பதுமைகள் உள்ளிட்ட தமிழர் புராதன சொத்துக்கள் இங்கே காட்சிக்கு வைக்கப்பட்டுள்ளன.

நளவெண்பா, வீரசோழியம், பத்துப்பாட்டு, எட்டுத்தொகை போன்ற பழங்காலத்து இலக்கிய, சமய நூல்கள் ஓலைகளால் வடிக்கப்பட்டவையாகும். அவ்வாறு வடிக்கப்பட்ட ஓலைச்சுவடிகள் முழுவதும் காட்சிப்படுத்தப்பட்டுள்ளமை சிறப்பம்சம்.

அத்துடன் தமிழர் பாரம்பரியங்கள், வாழ்விடங்களைச் சித்திரிக்கும் வகையில் சிற்ப வேலைப்பாடுகளும் அஜந்தா ஓவியங்கள் உள்ளிட்ட உலகின் பிரதான நிலை ஓவியங்களும் கண்ணைக் கவர்கின்றன.

சிலப்பதிகாரம், சீவகசிந்தாமணி, குண்டலகேசி, வளையாபதி, மணிமேகலை ஆகிய ஐம்பெருங் காப்பியங்களில் வரும் முக்கிய நிகழ்வுகள் நிஜமாய் அமைந்துள்ளது போல சிற்ப வேலைப்பாடுகளுடன் சித்திரமாய் செதுக்கப்பட்டுள்ளன. அவை சாதாரண கற்பனையையும் தாண்டி யதார்த்தபூர்வமாக இருப்பது ஆச்சரியத்தைத் தருகிறது.

அதனைத் தவிர குறிஞ்சி, முல்லை, மருதம், நெய்தல், பாலை ஆகிய ஐந்து நிலங்களையும் அவற்றுக்குரிய மரங்கள், பூக்கள், தாவரங்கள் என விவரித்துக் கூறும் கதைகள் கண்காட்சியின் மதிப்பை மேலும் அதிகரிக்கின்றன.

இவற்றைப் பார்ப்பதற்கு பாடசாலை மாணவர்கள், அறிஞர்கள் உள்ளிட்ட லட்சக்கணக்கானோர் திரண்டுவந்து கொண்டிருக்கின்றனர்.

உலகத் தமிழ்ச் செம்மொழி மாநாட்டினூடாக பல புதிய தகவல்களை அறிந்துகொள்ளக் கூடியதாக இருந்ததாக பார்வையாளர்கள் வீரகேசரி இணையத்தளத்துக்குத் தெரிவித்தனர்.

மக்கள் வெள்ளத்தில் இன்றைய கண்காட்சியரங்கம்! Pic1

மக்கள் வெள்ளத்தில் இன்றைய கண்காட்சியரங்கம்! Pic1

மக்கள் வெள்ளத்தில் இன்றைய கண்காட்சியரங்கம்! Pic2

kalaimoon70 · kalaimoon70 Fri Jun 25, 2010 7:56 pm

பகிர்வுக்கு நன்றி

மக்கள் வெள்ளத்தில் இன்றைய கண்காட்சியரங்கம்!

மக்கள் வெள்ளத்தில் இன்றைய கண்காட்சியரங்கம்!

Re: மக்கள் வெள்ளத்தில் இன்றைய கண்காட்சியரங்கம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக