விமான நிலையத்தில் வேலை விவசாய நிலத்தில் ஏர்...

வழக்கமாக போடுகிற பிள்ளையார் சுழிதான். ஆனால் திறமைசாலி போடுகிற பிள்ளையார் சுழியில் மட்டும்தான் ஒரு வசீகரம் இருக்கும்! தா என்ற படத்தின் பிரஸ்மீட்டில் அது பளிச்சென்று புரிந்தது. பின்னணியில் வைக்கப்பட்டிருந்த டிசைன் ஒன்று புத்தியை குடைந்தது. ஒரு கணவன் மனைவி மணக்கோலத்தில் இருந்தார்கள். ஆனால் முகத்தை காட்டாமல் முதுகு பக்கத்தை மட்டும் காட்டிக் கொண்டு! ஒருவேளை படம் பிளாஷ்பேக் சமாச்சாரமோ? டைரக்டர் ராஜேஷ் உத்தமனிடம் கேட்டால், 'இப்ப கேட்டீங்கல்ல. அதுதான் சார் வேணும் எனக்கு. இந்த படத்தில நடிக்கிறவங்க எல்லாருமே புதுமுகங்கள்தான். அவங்களை பளிச்சுன்னு காமிச்சோம்னா அதில ஒரு கவன ஈர்ப்பு இருக்காது. இப்படி செஞ்சோம்னா என்னன்னு கேட்கவும், ஏதுன்னு பார்க்கவும் ஒரு ஆர்வம் வருமில்லையா? அதனாலதான் இப்படி' என்றார். (பொழச்சிப்பீங்க)



பத்து பேரை அடிக்கிறவன் ஆம்பளை இல்லை. ஒரு பொண்ணுக்கு புடிக்கிறவன்தான் ஆம்பளை. இதுதான் படத்தின் மையக்கரு என்றார் ராஜேஷ். இவர் நாடோடிகள் பட இயக்குனர் சமுத்திரக்கனியிடம் உதவி இயக்குனராக பணியாற்றியவர். ஹீரோ ஸ்ரீஹரி நடிக்க வருவதற்கு முன்பு விமான பணியாளராக வேலை பார்த்தவராம். பறந்து கொண்டே இருந்த மனுஷனை பிடித்து வந்து விவசாய நிலத்தில் ஏர் உழ வைத்தால் என்னாகும்? இவரை பெண்டு நிமிர்த்தி ஏர் பிடிக்க வைத்திருக்கிறார் டைரக்டர்.

கதாநாயகி? மும்பையை சேர்ந்த நிஷா! ஸ்டார் ஓட்டல், முள் கரண்டி சாப்பாட்டையெல்லாம் மூட்டை கட்டி ஓரத்தில் வைத்துவிட்டு கோவைக்கே கொண்டு போய் ஒரு மாதம் தங்க வைத்திருக்கிறார்கள். ஒரு கிராமத்து மனுஷியாக இவரை மாற்றிய பின்புதான் படப்பிடிப்பை துவங்கினார்களாம்.

இசையமைப்பாளர் ஸ்ரீவிஜெய் இலங்கை தமிழர். யாழ்பாண தமிழரான இவரது ஆல்பங்களை இதற்கு முன்பு கேட்டு அனுபவித்த ராஜேஷ் உத்தமன், அவரை தேடிப்பிடித்து இசையமைப்பாளர் ஆக்கியிருக்கிறார். ஆறு பாட்டு. ரிலீசுக்கு பிறகு தமிழ்சினிமாவின் முக்கியமான இசையமைப்பாளர் ஆகிவிடுவார் என்கிறார் ராஜேஷ். படத்தின் பெயர் தா. கலையன்னை அந்த வெற்றியை தரட்டும் இவர்களுக்கு!

அற்புதமான முயற்சி வெற்றியடைய என் வாழ்த்துக்கள்...

அன்பு நன்றிகள் ரபீக்