நிச்சயதார்தத்தில் புகுந்து காதலியை கடத்திய காதலன்

ரபீக் · ரபீக் Thu Jun 24, 2010 10:58 am

துவண்ணாரப் பேட்டையை சேர்ந்த அனிதாவும்(17) (பெயர் மாற்றப்பட்டுள்ளது). அதே பகுதியைச் சேர்ந்த ராஜாவும்(23) (பெயர் மாற்றப்பட்டுள்ளது) கடந்த மூன்று வருடமாக ஒருவரை ஒருவர் தீவிரமாக காதலித்து வந்துள்ளனர்.

இவர்களின் காதலை கேள்விபட்ட பெண்வீட்டார் அனிதாவை வீட்டில் சிறை வைத்தனர். பின்னர் அவசர அவசரமாக திருவெற்றியூரில் மாப்பிள்ளை பார்க்கப்பட்டு, வண்ணாரப்பேட்டை ஜி.இ. ரோட்டில் உள்ள ஒரு கோவிலில் நேற்று அனிதாவின் நிச்சயதார்த்தம் நடந்து கொண்டிருந்தது.

இந்நிலையில் அனிதா தன் நிச்சயதார்த்தம் பற்றி காதலன் ராஜாவுக்கு தகவல் கொடுத்தார். உடனே ராஜா நிச்சயதார்த்தம் நடந்து கொண்டிருந்தபோது சினிமா பாணியில் ஆட்டோவில் தனது நண்பர்களுடன் வந்து இறங்கினார். இதைப் பார்த்து நிச்சயதார்த்தத்திற்கு வந்திருந்தவர்கள் அதிர்ச்சியடைந்தனர்.

பின்னர் ராஜா மாப்பிள்ளை வீட்டாரிடம் அனிதாவும் நானும் காதலிக்கிறோம் அவளது வருங்கால கணவன் நான்தான் என்று கூற, உடனே மாப்பிள்ளை வீட்டார் நிச்சயதார்த்தத்தை நிறுத்திவிட்டு தன் உறவினர்களை அழைத்து கொண்டு கிழம்பிவிட்டனர்.

இதையடுத்து அனிதாவின் பெற்றோர் தண்டையார்பேட்டை போலீசில் ராஜா மீது புகார் கொடுத்தனர். போலீசார் ராஜாவையும், அனிதாவையும் அழைத்து விசாரித்த போது அனிதா மைனர் என்று தெரியவந்தது. ஆகையால் போலிஸார் அனிதாவை அவருடைய பெற்றோருடன் வீட்டுக்கு அனுப்பி வைத்தனர்.

எங்கே நம்மை விட்டு அனிதாவை பிறித்து விடுவார்களோ என்று கருதிய ராஜா ஒரு ஆட்டோவில் தனது நண்பர்களுடன் அனிதா சென்ற ஆட்டோவை துரத்திச் சென்று கொருக்குப்பேட்டை அப்பாலோ ஆஸ்பத்திரி அருகே அனிதா சென்ற ஆட்டோவை மடக்கி பிடித்தார்.

பின்னர் தனது ஆட்டோவில் அனிதாவை ஏற்றிக் கொண்டு தனது வீட்டுக்கு சென்றுவிட்டார். உடனே அனிதாவின் பெற்றோர் இதுபற்றி புதுவண்ணாரப் பேட்டை போலிஸாரிடன் புகார் கொடுத்தனர். இதையடுத்து இன்ஸ்பெக்டர் சிவமணி, ராஜாவை பிடித்து எச்சரித்துவிட்டு, அனிதாவை அவள் பெற்றோருடன் வீட்டுக்கு அனுப்பி வைத்தனர்.

**Aathira** · **Aathira** Thu Jun 24, 2010 11:12 am

பகிர்வுக்கு நன்றி,, நிச்சயதார்தத்தில் புகுந்து காதலியை கடத்திய காதலன் 678642

kalaimoon70 · kalaimoon70 Thu Jun 24, 2010 11:27 am

சினிமா தரும் படிப்பினை இதுதானா?

சபீர் · சபீர் Thu Jun 24, 2010 11:45 am

அந்த மாவீரண நான் கொஞ்சம் கண்டுக்கிட்டா

மஞ்சுபாஷிணி · மஞ்சுபாஷிணி Thu Jun 24, 2010 12:52 pm

நான் இருந்த ஏரியாவாச்சே இது.. எனக்கு தெரியாம இவ்ளோ பெரிய விஷயம் நடந்திருக்கே....

மஞ்சுபாஷிணி · மஞ்சுபாஷிணி Thu Jun 24, 2010 12:53 pm

சபீர் wrote:அந்த மாவீரண நான் கொஞ்சம் கண்டுக்கிட்டா

என்னாச்சுப்பா.. கண்டுகிட்டு மட்டும் என்ன ஆகப்போகுது உங்களுக்கு கல்யாணம் ஆயிருச்சுன்னு நினைக்கிறேன்... நிச்சயதார்தத்தில் புகுந்து காதலியை கடத்திய காதலன் 755837