ஜப்பானில் விவாகரத்தை கொண்டாடும் தம்பதிகள்

ரபீக் · ரபீக் Wed 23 Jun 2010 - 13:28

இந்தியாவில், திருமணம் என்பது அனைவரது வாழ்விலும் முக்கியமானதாக கருதப்படுகிறது. திருமண விழாவை மணமகன், மண மகளின் குடும்பத்தினர் மற்றும் உற்றார், உறவினர் களை அழைத்து அவர்களுக்கு விருந்து வைத்து ஊரறிய நடத்தப்படுகிறது.

அதே நேரத்தில் திருமண வாழ்க்கை முறிந்து விவாகரத்து ஆகிவிட்டால் தம்பதிகள் சட்டப் படி அமைதியாக பிரிந்து விடுகின்றனர்.

ஆனால், ஜப்பானில் தற் போது நிலைமை தலை கீழாக மாறி விட்டது. திருமணத்தின் போது நடத்தப்பட்ட விழா போன்று விவாகரத்தின் போதும் நடத்தப்படுகிறது. சமீப காலமாகத்தான் இந்த கலாச்சாரம் தலை தூக்கியுள்ளது.

இந்த விழா நடத்து வதற்கு என்றே தலைநகர் டோக்கியோவில் ஒரு மண்டபம் உள்ளது. இந்த மண்டபத்தை ஹீரோகி தெராய் என்ற முன்னாள் வியாபாரி கட்டியுள்ளார். விவாகரத்து செய்து கொள்ளும் தம்பதிகள் அந்த மண்ட பத்தை பதிவு செய்கின்றனர்.

தங்களது உறவினர்கள் மற்றும் நண்பர்களுக்கு இதற் கான அழைப்பு விடுகின்றனர். அவர்கள் முன்னிலையில் எங்களின் திருமண வாழ்க்கை தோல்வியில் முடிந்து விட்டது. எனவே இருவரும் பிரிகிறோம். இது தான் நாங்கள் ஒன்றாக வாழும் கடைசி நாள் என்று தெரிவிக்கின்றனர்.

இதை தொடர்ந்து திருமணம் போன்றே மது வுடன் கூடிய விருந்து மற்றும் கேளிக்கை நிகழ்ச்சிகள் நடத்தப்படுகின்றன. இந்த மண்டபத்துக்கு ரூ.30 ஆயிரம் வாடகை வசூலிக்கப்படுகிறது.

சமீபத்தில், இங்கு வியாபாரி பியூகி (30) என்பவர் தனது விவாகரத்தை இங்கு கொண்டாடினார். இவர் டோக்கியோவின் அசாகுசா பகுதியில் உள்ள செஞ்சோலி கோவில் பகுதியைச் சேர்ந்தவர்.

விவாகரத்து விழாவுக்கு பியூகியும் அவரது மனைவி யும் தனித்தனி ரிக்ஷாவில் மண்டபத்துக்கு வந்தனர். அங்கு தங்கள் மண முறிவு விழாவை கொண்டாடி விட்டு பிரிந்து சென்றனர்.

விழா முடிந்ததும் இரு வரும் தாங்கள் அணிந்திருந்த திருமண மோதிரத்தை கழற்றி வீசினர். இப்போது தான் மனநிறைவு அடைவதாகவும், புதிய வாழ்க்கை நல்ல படியாக அமையும் என்று நம்புவதா கவும் தெரிவித்தனர்.