அழகுக்கு ஆயுர்வேதம்

Guest · Guest Wed Oct 08, 2008 12:31 am

பெண்கள் தங்களை அழகு படுத்திக்கொள்ள பிïட்டி பார்லர்களுக்கு சென்றுதான் மேக்கப் செய்து கொள்ள வேண்டும் என்ற அவசியம் இல்லை. வீட்டிலேயே ஆயுர்வேத முறைப்படி அழகு படுத்திக் கொள்ளலாம். அதற்கான டிப்ஸ்.

முகம் பளபளப்பாக...

* ஜாதிக்காயை பாலில் சேர்த்து நன்றாக அரைத்து, முகத்தில் பூசி... சிறிது நேரம் கழித்து கழுவி விட வேண்டும். இப்படி தொடர்ந்து செய்தால், முகத்தில் இருக்கும் கருப்பு நிறம் மாறும்.

* கடலை மாவு, மஞ்சள் பொடி ஆகியவற்றை தயிரில் கலந்து முகத்தில் தேய்க்க வேண்டும். பின்னர் குளிர்ந்த நீரில் முகத்தை கழுவினால், வெயிலில் ஏற்படும் கருப்பு புள்ளிகள் மறையும்.

* பச்சை உருளைக் கிழங்கு சாறு எடுத்து, முகத்தில் பூசி வந்தால் முகத்தில் ஜொலி ஜொலிப்பு கூடும்.

* தயிரை முகத்தில் தேய்த்து சிறிது நேரம் கழித்து காய்ந்தவுடன், குளிர்ந்த நீரில் முகத்தை கழுவினால் புள்ளி, படைகள் நீங்கும்.

* தக்காளி சாறுடன் தயிரை கலந்து முகத்தில் பூசி வந்தால் சருமம் பொலிவாகும்.

* முகத்தில் சுருக்கம் மற்றும் புள்ளிகள் இருந்தால், புளித்த தயிரில் கடலை மாவு கலந்து பேஷியல் பண்ணவும்.

Guest · Guest Wed Oct 08, 2008 12:31 am

* முகத்தில் தேன் பூசிவிட்டு, கொஞ்ச நேரம் கழித்து, கழுவினால் பளபளப்பாகும்.

* கருவேப்பிலையுடன் மஞ்சளை அரைத்து, அதனுடன் முட்டை வெள்ளை கருவை கலந்து முகத்தில் தேய்த்து விடவும். பின்னர் அரைமணி நேரம் கழித்து கடலை மாவு வைத்து கழுவினால் முகப்பரு நீங்கும்.

* வேப்பிலையை நீரில் ஊறவைத்து, தினமும் காலையில் கழுவி வந்தால் முகத்தில் பரு, புள்ளிகள் நீங்கும்.

* கஸ்தூரி மஞ்சளை, பன்னீர் பூவுடன் சேர்த்து கரைத்து, வெயிலில் சூடாக்கி, தினமும் முகத்தில் பூசி வந்தால் பரு நீங்கும்.

* துளசி இலை, நெல்லிக்காய், புதினா ஆகியவற்றை அரைத்து சாறு எடுத்து, முகத்தில் பூசினால் முகப் பரு நீங்கும்.

* தக்காளி சாறு, எலுமிச்சை சாறு ஆகியவற்றை சம அளவில் எடுத்து அரிசி மாவில் கலந்து முகத்தில் தேய்த்து கழுவினால் முகப்பரு மறையும்.

முகத்தில் ரோமங்கள் நீங்க...

* மஞ்சளை நன்றாக அரைத்து இரவில் முகத்தில் பூசவும். காலையில் சுடுநீரில் கழுவினால் முகத்தில் இருக்கும் ரோமங்கள் மறையும்.

* பப்பாளிக் காய், மஞ்சள் சேர்த்து அரைத்து முகத்தில் தேய்த்தால் முகத்தில் இருக்கும் ரோமங்கள் நீங்கும்.

* கஸ்தூரி மஞ்சளை அரைத்து பாலாடை கலந்து பூசி வந்தால் முகத்தில் இருக்கும் முடிகள் மறையும்.

Guest · Guest Wed Oct 08, 2008 12:31 am

* சிறுபயறு தோலை பசும்பாலில் கலந்து, அதனுடன் எலுமிச்சை சாறு கலந்து முகத்தில் பூசினால் முகத்தில் இருக்கும் ரோமங்கள் மறையும்.

கண்களில் கருவளையம் மறைய...

* தக்காளி சாறு, எலுமிச்சை சாறு ஆகியவற்றை கலந்து, கண்களை சுற்றி தேய்த்தால் கருவளையம் மறையும்.

* நேந்திரம் பழத்தை கூழாக்கி அதை கண்களை சுற்றி பூசவும். 15 நிமிடங்கள் கழித்து கழுவினால் கருவளையம் நீங்கும்.

* கஸ்தூரி மஞ்சள், ரத்த சந்தனம் ஆகியவற்றை சம அளவில் கலந்து தினமும் பூசி வந்தால் கண்களின் கீழே உள்ள கறுப்பு வளையம் மாறும்.

Sponsored content · Sponsored content

அழகுக்கு ஆயுர்வேதம்

அழகுக்கு ஆயுர்வேதம்

Re: அழகுக்கு ஆயுர்வேதம்

Re: அழகுக்கு ஆயுர்வேதம்

Re: அழகுக்கு ஆயுர்வேதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக