ஜேசிபி மீது பைக் மோதி காதல் ஜோடி பரிதாப பலி

by ரபீக் Mon Jun 21, 2010 6:01 pm

தாம்பரம் அருகே ஜேசிபி இயந்திரம் மீது பைக் மோதியதில் காதலனும், காதலியும் சம்பவ இடத்திலேயே பரிதாபமாக இறந்தனர்.
அயனாவரத்தை சேர்ந்தவர் ஹாரி லூயிஸ். இவரது மகன் ஜோசப் (27). சைதாப்பேட்டையில் உள்ள தனியார் நிறுவனத்தில் வேலை செய்தார். அதே நிறுவனத்தில் வேலை செய்தவர் பிந்து (23). இருவரும் காதலர்கள். பல இடங்களில் ஜாலியாக சுற்றியுள்ளனர்.

நேற்றுமுன்தினம் வெளியில் சென்று விட்டு, மதுரவாயல் பைபாஸ் சாலை வழியாக பைக்கில் வீட்டுக்கு திரும்பிக் கொண்டிருந்தனர். தாம்பரம் அருகே பெட்ரோல் பங்க்கில் இருந்து ஜேசிபி இயந்திரம் வெளியில் வந்து கொண்டிருந்தது. இதை கவனிக்காத ஜோசப் பைக்கை வேகமாக ஓட்டி வந்துள்ளார். அப்போது, ஜேசிபி மீது பைக் மோதியது. இதில் தூக்கி வீசப்பட்ட ஜோசப், பிந்து இருவரும் மூளை சிதறி, சம்பவ இடத்திலேயே பரிதாபமாக இறந்தனர்.

தகவலறிந்த தாம்பரம் போக்குவரத்து புலனாய்வு பிரிவு போலீசார் விரைந்து வந்து, சடலங்களை கைப்பற்றி பிரேதப் பரிசோதனைக்காக குரோம்பேட்டை அரசு மருத்துவமனைக்கு அனுப்பி வைத்தனர்.