கர்ப்பிணிகளுக்கு அரசு மருத்துவமனைகளில் அடையாள அட்டை

ரபீக் · ரபீக் Mon Jun 21, 2010 6:00 pm

தமிழக அரசு மருத்துவமனைகளில் பிறக்கும் குழந்தைகள் மற்றும் சிகிச்சைக்கு வரும் குழந்தைகளை சமூக விரோதிகள் திருடி செல்வது அதிகரித்துள்ளது. இதனால் கர்ப்பிணிகளுக்கு அடையாள அட்டை வழங்க முடிவு செய்யப்பட்டுள்ளது.
ஒரு மாதத்தில் மட்டும் 10க்கும் மேற்பட்ட குழந்தைகள் திருடப்பட்டுள்ளன. மதுரை அரசு மருத்துவமனையில் நேற்று முன்தினம் கர்ப்பிணி போல் நடித்த பெண், குழந்தையை திருடி சென்றுவிட்டார்.

இதுகுறித்து பொது சுகாதாரத் துறை முன்னாள் இயக்குனர் டாக்டர் எஸ்.இளங்கோ கூறியதாவது:

தமிழக மருத்துவமனைகளுக்கு வருவோரின் எண்ணிக்கை அதிகரித்து வருகிறது. தனியார் மருத் துவமனைகளில் பார்வையாளர்களுக்கு கட்டுப்பாடு இருக்கிறது. அரசு மருத்துவமனைகளில் யார் நோயாளி, யார் பார்வையாளர் என்று கண்டுபிடிப்பதே மிகவும் கடினம்.
அரசு மருத்துவமனைகளில் சரியான பாதுகாப்பு இல்லாததே, குழந்தை திருட்டு அதிகரிக்க முக்கிய காரணம். மருத்துவமனைக்குள் யார் வருகிறார்கள். அவர்கள் வரும் போது எப்படி வருகிறார்கள்? போகும் போது எப்படி போகிறார்கள் என்று மருத்துவமனை நிர்வாகம் தீவிரமாக கண்காணிக்க வேண்டும். இவ்வாறு இளங்கோ கூறினார்.

சுகாதாரத் துறை செயலர் வி.கே.சுப்புராஜ் கூறியதாவது:

குழந்தை திருட்டை தடுக்க, பிரசவத்துக்காக மருத்துவமனைக்கு வரும் கர்ப்பிணிகளுக்கு அவர்களின் பெயர், வயது, எடை, உயரம் போன்ற முழு விவரங்களுடன் அடையாள அட்டை வழங்கப்பட உள்ளது. அவர்களுடன் வரும் உறவினர்களுக்கும் அடையாள அட்டை வழங்கப்படும். குழந்தை பிறந்த உடன் இது யாருடைய குழந்தை, குழந்தை பிறந்த நேரம், குழந்தையின் உயரம், எடை, அங்க அடையாளம் போன்ற அனைத்து குறிப்புகளுடன் அந்த குழந்தைக்கும் பிரசவ வார்டில் அடையாள அட்டை போடப்படும்.

குழந்தையுடன் வீட்டுக்கு செல்லும் போது அந்த அடையாள அட்டையை சரிபார்த்து, அது அவர்களின் குழந்தைதானா என்பதை உறுதிப்படுத்திய பின்னர் வெளியே அனுப்பப்படுவார்கள். பெரும்பாலான மருத்துவமனைகளில் இவற்றை நடைமுறைக்கு கொண்டு வந்துள்ளோம். மற்ற மருத்துவமனைகளிலும் இந்த முறை விரைவில் செயல்படுத்தப்படும்.

குழந்தை திருடர்களை பிடிக்க மருத்துவமனைகளில் போலீஸ் பாதுகாப்பு தீவிரப்படுத்தப்படும். வெளியாட்கள் நடமாட்டத்தை குறைக்கவும் நடவடிக்கை எடுக்கப்படும். தாய்மார்கள் முகம் தெரியாத நபர்களிடம் குழந்தையை கொடுக்க வேண்டாம். மருத்துவமனையில் வெளியாட்களிடம் அதிகமாக பழக வேண்டாம்.

இவ்வாறு சுப்புராஜ் கூறினார்

கர்ப்பிணிகளுக்கு அரசு மருத்துவமனைகளில் அடையாள அட்டை

கர்ப்பிணிகளுக்கு அரசு மருத்துவமனைகளில் அடையாள அட்டை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக