புன்னகை அரசி, புரட்சி நாயகி எதை விரும்புகிறார் சினேகா?

ரபீக் · ரபீக் Mon Jun 21, 2010 1:30 pm

சற்று சூடாகதான் இருந்தார் சினேகா. வேணும்னா நான் உங்களுக்கு வச்ச வணக்கத்தை வாபஸ் வாங்கிக்கிறேன் என்று அவர் சொல்ல, பிரஸ் ஏரியாவில் மூச்! கொதிக்கிற கல்லில் தண்ணியை தெளிச்சது எப்படி?

பவானி பிரஸ்மீட். என் உயிரினும் மேலான பத்திரிகை நண்பர்களே, வணக்கம்... என்று ஆரம்பித்தார் சினேகா. என்னங்க, ஏதாவது அரசியல் கட்சியில சேரப்போறீங்களா என்று கேள்வி பறக்க, அதை தொடர்ந்த சினேகாவின் கோபம்தான் நீங்கள் மேலே படித்தது. ஆனால் அடுத்த நிமிடமே குளிர்ந்தது கிளி. அதற்கும் ஒரு கேள்விதான் காரணம். டைட்டிலில் உங்களை புன்னகை இளவரசின்னு போடுறாங்களா, புரட்சி நாயகின்னு போடுறாங்களா?

எனக்கு அந்த பட்டமெல்லாம் வேணாங்க. வெறும் சினேகான்னே போடட்டும். அதுதான் சந்தோஷம். வைஜெயந்தி ஐ.பிஎஸ் படத்தின் ரீமேக்தான் இந்த பவானி. முதலில் என்னுடைய முகத்திற்கு இதுபோன்ற ரஃப் அண் டஃப்பான கேரக்டர் சரியா வருமா என்று நான் பயந்தேன். ஆனால் டைரக்டர் கிச்சாதான் உங்களால முடியும் என்று தைரியம் கொடுத்தாரு. இந்த படத்தின் ரீமேக்கில் நான் நடிக்கிறேன்று தெரிஞ்சதும், விஜயசாந்தி மேடம் ரைட் சாய்சுன்னு சொன்னாங்களாம். அதுதான் எனக்கு கிடைச்ச அவார்டா நினைக்கிறேன் என்றார் சினேகா.

நிஜமாகவே நீங்க போலீஸ் அதிகாரியா இருந்தா முதல் ஆபரேஷன் என்னவா இருக்கும்? கேட்டால், சென்னையில இருக்கிற குப்பையை ஒழிப்பேன். ஏன்னா பெங்களுர், மும்பைக்கெல்லாம் போயிட்டு சென்னைக்கு வந்தா நம்ம ஊரு அப்படி சுத்தமா இல்லையேன்னு மனசு ஏங்கும் என்றார் சினேகா. இந்த பதில் அப்படியே ஓவர் டூ ரிப்பன் பில்டிங்!