மாநிலங்களவையில் பெரும்பான்மையை எட்டாத காங்கிரஸ் கூட்டணி

: அண்மையில் முடிவடைந்த மாநிலங்களவைத் தேர்தலில் அதிக வெற்றிகளை காங்கிரஸ் கூட்டணி பெற்றுள்ள போதிலும், ஆளும் கூட்டணியால் பெரும்பான்மையைப் பெற முடியவில்லை.

மாநிலங்களவையில் 55 உறுப்பினர்களுக்கான தேர்தல் அண்மையில் முடிவடைந்தது. தேர்தலுக்கு முன் அவையில் 71 உறுப்பினர்களை காங்கிரஸ் கொண்டிருந்தது. அது தற்போது 69 ஆக குறைந்துவிட்டது.

ஆந்திரத்தில் சிரஞ்சீவியின் பிரஜா ராஜ்யம் கட்சியுடன் ஒப்பந்தம் வைத்துக் கொண்டதால்தான் காங்கிரஸôல் 4 வேட்பாளர்களை நிறுத்த முடிந்தது.

கர்நாடகத்தில் மதச்சார்பற்ற ஜனதா தளத்துடன் செய்து கொண்ட ஒப்பந்தம் காரணமாக ஒரே ஒரு வேட்பாளரை மட்டுமே காங்கிரஸôல் நிறுத்தமுடிந்தது.

அம்பிகா சோனி, ஜெய்ராம் ரமேஷ் உள்பட மத்திய அமைச்சர்கள் பலர் போட்டியின்றித் தேர்வு செய்யப்பட்டனர்.

பா.ஜ.க. சார்பில் பிரபல வழக்கறிஞர் ராம் ஜேத்மலானி ராஜஸ்தானில் இருந்தும், மதச்சார்பற்ற ஜனதா தளத்தின் ஆதரவுடன் சுயேச்சையாகப் போட்டியிட்ட தொழிலதிபர் விஜய் மல்லையாவும் வென்றவர்களில் குறிப்பிடத்தக்கவர்கள்.

இதற்கு முன்னர் 4 உறுப்பினர்களைக் கொண்டிருந்த தி.மு.க.வின் எண்ணிக்கை மொத்தம் 7 உறுப்பினர்களாக அதிகரித்துள்ளது.

சரத் பவாரின் தேசியவாத காங்கிரஸ் (6), மம்தா பானர்ஜியின் திரிணமூல் காங்கிரஸ் (2), ஜம்மு காஷ்மீர் தேசிய மாநாட்டுக் கட்சி (2) ஆகியவற்றின் எண்ணிக்கையில் மாற்றமில்லை.

பாரதிய ஜனதா கட்சியின் எண்ணிக்கையிலும் (46) மாற்றமில்லை. கர்நாடகம், ராஜஸ்தானில் குறிப்பிடத்தக்க வெற்றிகளைப் பெற்ற அக் கட்சி, ஜார்க்கண்டில் பேரவை உறுப்பினர்கள் கட்சி மாறி வாக்களித்தன் காரணமாக தனது வேட்பாளரை வெற்றி பெற வைக்க முடியவில்லை.

சமீபத்திய தேர்தல்களால் சமாஜவாதி கட்சி கடும் இழப்பை சந்தித்துள்ளது. இதற்கு முன்னர் 10 உறுப்பினர்களைக் கொண்டிருந்த அக் கட்சி, தேர்தலுக்குப் பின் 5 உறுப்பினர்களை மட்டுமே கொண்டுள்ளது.

245 உறுப்பினர்களைக் கொண்ட மாநிலங்களவையில் ஆளும் கூட்டணிக்கு பெரும்பான்மை இல்லாத காரணத்தால் முக்கியமான மசோதாக்களை நிறைவேற்ற வேண்டுமெனில் கருத்தொற்றுமையை நாட வேண்டியுள்ளது.

அரசுக்கு வெளியில் இருந்து ஆதரவளிக்கும் சமாஜவாதி, ராஷ்ட்ரீய ஜனதா தளம் ஆகியவை மகளிர் இட ஒதுக்கீடு மசோதா, ஜாதிவாரியாக மக்கள் தொகை கணக்கெடுப்பு போன்றவற்றில் ஆளும் கட்சியின் கருத்துக்கு இணக்கமாக இல்லை என்பது குறிப்பிடத்தக்கது.

நன்றி தோழரே ,தகவலுக்கு ....