மாநிலங்களவைக்கு புதிதாக தேர்வு செய்யப்பட்ட 50 உறுப்பினர்களின் சொத்துமதிப்பு ரூ.1250 கோடி: ரூ.615 கோடியுடன் விஜய் மல்லையா முதலிடம்

ரபீக் · ரபீக் Mon Jun 21, 2010 11:26 am

மாநிலங்களவைக்கு புதிதாக தேர்வு செய்யப்பட்டுள்ள 50 உறுப்பினர்களின் மொத்த சொத்து மதிப்பு ரூ.1250 கோடி என்பது தெரியவந்துள்ளது.

உறுப்பினர்கள் அனைவரும் தங்களது சொத்து விவரம் குறித்து தேர்தல் ஆணையத்தில் தாக்கல் செய்த ஆவணத்தின் மூலம் இது தெரியவந்துள்ளது.

50 பேரில் கர்நாடகத்தில் இருந்து மாநிலங்களவைக்கு சுயேச்சையாக தேர்ந்தெடுக்கப்பட்ட மதுபான தொழிலதிபர் விஜய் மல்லையாவுக்குதான் அதிகமான சொத்து உள்ளது.

அவர் தனக்கு ரூ.615 கோடி மதிப்பிலான சொத்து உள்ளதாக தேர்தல் ஆணையத்தில் தெரிவித்துள்ளார். 50 உறுப்பினர்களில் மத்தியப் பிரதேச மாநிலத்தில் இருந்து தேர்வு செய்யப்பட்டுள்ள பாஜக உறுப்பினர் அனீல் தாவேவுக்குத்தான் குறைவான சொத்து உள்ளது.

அவர் தனக்கு ரூ.2.7 லட்சம் மதிப்பிலான சொத்து மட்டுமே உள்ளதாக கூறியுள்ளார்.

தெலுங்கு தேசக் கட்சி உறுப்பினரான சத்தியநாராயணா செüத்ரி ரூ.190 கோடி, ஜார்க்கண்ட் முக்தி மோர்ச்சா உறுப்பினர் கன்வர் தீப் சிங் ரூ.82 கோடி, ராஷ்ட்ரீய ஜனதா தளம் உறுப்பினர் ராம் கிருபால் யாதவ் ரூ.27 லட்சம், பிஜு ஜனதா தள உறுப்பினர் சசி பூஷண் பெஹேரா ரூ.30 லட்சம், பாஜக உறுப்பினர் ராம் ஜேத்மலானி ரூ.29.60 கோடி, பகுஜன் சமாஜ் கட்சி உறுப்பினர் சதீஷ் சந்திர மிஷ்ரா ரூ.24 கோடி, காங்கிரஸ் உறுப்பினர்கள் அம்பிகா சோனி ரூ.17.7 கோடி, ஆஸ்கர் பெர்னாண்டஸ் ரூ.15 கோடி, பாஜக உறுப்பினர்கள் வெங்கைய்ய நாயுடு ரூ.7.72 கோடி, சந்தன் மித்ரா ரூ.9.41 கோடி, காங்கிரஸ் உறுப்பினரும், சுற்றுச்சூழல் அமைச்சருமான ஜெய்ராம் ரமேஷ் ரூ.61 லட்சம், லோக் ஜன சக்தி தலைவர் ராம்விலாஸ் பாஸ்வான் ரூ.1.90 கோடி மதிப்பிலான சொத்துக்கள் உள்ளது என தேர்தல் ஆணையத்தில் தெரிவித்துள்ளனர்.

மஞ்சுபாஷிணி · மஞ்சுபாஷிணி Mon Jun 21, 2010 12:19 pm

பரவாயில்லையே தைரியம் தான் ரொம்ப புன்னகை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக