உலகத் தலைநகரங்கள் - காபூல்

ஆசிய நாடுகளுள் ஒன்றான ஆப்கானிஸ்தானின் அழகிய தலைநகரம் தான் காபூல். பிரபலமான `காந்தாரக்கலை' இங்குதான் தோன்றியது.

ஆப்கானிஸ்தானின் கலை மற்றும் பொருளா தார மையமாக காபூல் விளங்குகிறது. மிகப் பெரிய நகரமான இதில், 2008-ம் ஆண்டு நடந்த கணக்கெடுப்பின்படி 2.8 மில்லியன் மக்கள் வசித்து வருகின்றனர். கடல் மட்டத் தில் இருந்து 5 ஆயிரத்து 900 அடி (ஆயிரத்து 800 மீட்டர்) உயரத்தில் இந்த நகரம் அமைந்துள்ளது. ஹிந்து குஷ் மலைக் கும், காபூல் ஆற்றுக்கும் இடையில் இந்த நகரம் உள்ளது.

1978-ம் ஆண்டு வரை ஆடைகள், மரச் சாமான்கள், ஒருவகைக் கிழங்கில் இருந்து தயாரிக்கப்படும் இனிப்பு மற்றும் ஆயுதத் தள வாடப் பொருட்கள் போன்றவை முக்கிய உற்பத்திப் பொருட்களாக இருந்தன. ஆனால், அதன்பிறகு நடைபெற்ற தொடர்ச்சியான போர்களால் காபூலின் பொருளாதார நிலை கொஞ்சம் தடுமாற ஆரம்பித்தது. 2001-ம் ஆண்டு தோன்றிய இஸ்லாமிய குடி யாட்சிக்குப் பிறகு பொருளாதார மந்தநிலை ஓரளவுக்கு சீரடைந்தது.

3 ஆயிரத்து 500 ஆண்டுகள் பழமை வாய்ந்தது இந்த நகரம். மொகலாய அரசரான பாபரின் ஆட்சிக்காலத்தில் 1504-ம் ஆண்டு ஆப்கானிஸ்தானின் தலைநகராக காபூல் நிறுவப்பட்டது. பாபர், நடேர் ஷா, தைமூர் ஷா போன்றவர்கள் காபூலை ஆட்சி செய்தவர்களுள் குறிப்பிடத்தக்கவர்கள். இங்கு பயன்படுத்தப்படும் நாணயத்தின் பெயர் `ஆப்கானி'. பழங்கள், கம்பளி, பருத்தி, வேர்க்கடலை, மாட்டுத்தோல் போன்றவை முக்கிய ஏற்றமதிப் பொருட்களாக உள்ளன.

1979-ம் ஆண்டு சோவியத் ராணுவக் கண்காணிப்பிலான அரசு காபூலை ஆட்சி செய்தது. 10 வருடங்கள் தொடர்ந்த ராணுவ ஆட்சிக்குப் பிறகு, 1996-ல் தாலிபான்கள் காபூலைக் கைப்பற்றினர். 2001-ம் ஆண்டு நடைபெற்ற அமெரிக்காவின் உலக வர்த்தக மைய கட்டிடத் தாக்குதலுக்குப் பின்னர், தாலிபான்களின் ஆட்சி கவிழ்க்கப்பட்டது. தொடர்ந்து மறுசீரமைப்பு நடவடிக்கைகள் தொடங்கின. அதன் விளைவாக புதிய அரசியல் சட்டமும், 2004-ம் ஆண்டில் அதிபர் தேர்தலும் நடைபெற்றன. 2004-ம் ஆண்டு அக்டோபர் மாதம் 9-ந் தேதி ஹமீத் கர்ஸாய் என்பவர் ஜனநாயக முறைப்படி தேர்ந்தெடுக்கப்பட்டு முதல் அதிபரானார்.

ஆப்கான் பற்றிய தகவல் தந்தமைக்கு நன்றி அண்ணா