ஊசி தோன்றிய விதம்

by **சிவா** Mon Jun 21, 2010 2:19 am

மனிதன் பயன்படுத்தும் அத்தியாவசியப் பொருட்களில் 'ஊசி'க்கு குறிப்பிடத்தக்க இடம் உண்டு. நாம் அணியும் ஆடைகளை தைப்பதற்கு ஊசி பயன்படுகிறது. கற்காலத்தில் இருந்தே ஊசி பயன்படுத்தப்பட்டு வந்ததாக வரலாறுகள் தெரிவிக்கின்றன. அப்போது ஊசியாகப் பயன்பட்டது எது தெரியுமா? மீன் அல்லது பறவையின் எலும்பை ஊசியாகப் பயன்படுத்தியுள்ளனர் நம் முன்னோர்கள்.

தற்போது நாம் பயன்படுத்தி வரும் உலோகத்தால் ஆன ஊசியை முதன்முதலில் அறிமுகப் படுத்தியவர்கள் சீனர்கள். இது `மூர்' என்கிற குழுவினரால் ஐரோப்பாவிற்கு அறிமுகம் செய்யப்பட்டது. ஐரோப்பாவின் முதல் உலோக ஊசி 17-ம் நூற்றாண்டில் தயாரிக்கப்பட்டது. முதலாம் எலிசபெத் ராணி மிகவும் முயற்சி எடுத்து ஊசி தயாரிக்கும் கலையை ஆங்கிலேயர்களுக்கு கற்றுக் கொடுத்தார். தற்போது இங்கிலாந்தில் ஊசித்தொழில் பிரபலமாக உள்ளது. அதற்கடுத்து பிரான்ஸ் ஊசித் தயாரிப்பில் சிறந்து விளங்குகிறது.