வால் நட்சத்திரம்!

by **சிவா** Mon Jun 21, 2010 2:17 am

வானுலகின் `அதிசயப்பிறவி' என்று வர்ணிக்கப்படுபவை வால் நட்சத்திரங்கள். கோள்கள் எல்லாம் தனக்கென ஒரு சுற்றுப்பாதையை வகுத்துக் கொண்டு சூரியனைச் சுற்றி வருகையில், வால் நட்சத்திரம் மட்டும் ஒழுங்கற்ற சுற்றுப்பாதையில் சூரியனைச் சுற்றி வருகின்றன. இந்த வால் நட்சத்திரத்திற்கு மூன்று பகுதிகள் உண்டு. நெபுலா எனும் ஒளிரும் பகுதி; நிïக்ளியஸ் எனும் உடற்பகுதி; வாயுக்களும், தூசித்துகள்களும் அடங்கிய வால்பகுதி.

சூரியனைச் சுற்றி வரும் கால அளவைக் கொண்டு வால் நட்சத்திரங்களை இரண்டு வகைகளாகப் பிரிக்கலாம். 150 வருடங்களுக்குள் சூரியனைச் சுற்றி வருபவை `குறுகிய கால நட்சத்திரங்கள்' எனப்படும். இவற்றின் சுற்றுப்பாதை, கோள்களின் எல்லைகளுக்கு உட்பட்டு இருக்கும். ஹாலி வால் நட்சத்திரத்தை இதற்கு உதாரணமாகச் சொல்லலாம்.

நீண்ட கால நட்சத்திரங்களின் சுற்றுப்பாதை மிக நீண்டது. இவை ஒரு குறிப்பிட்டத் திசையில் இருந்து வரும் என்று சொல்ல முடியாது. இவற்றில் சில நட்சத்திரங்கள் எப்போதாவது தான் தோன்றும். கோஹீடக் எனும் நீண்ட கால வால் நட்சத்திரம், 70 ஆயிரம் வருடங்களுக்கு ஒருமுறை தான் தோன்றும்.