இறுதி ஆட்டத்துக்கு இந்தியா தகுதி: பரபரப்பான ஆட்டத்தில் பாகிஸ்தானை வீழ்த்தியது

ரபீக் · ரபீக் Sun Jun 20, 2010 11:56 am

ஆசிய கோப்பை கிரிக்கெட் போட்டியின் 4-வது லீக் ஆட்டத்தில் பாகிஸ்தானை வீழ்த்தி இறுதி ஆட்டத்துக்கு இந்தியா தகுதி பெற்றது.

÷இவ்விரு அணிகள் மோதிய ஆட்டம் இலங்கையின் தம்புல்லாவில் சனிக்கிழமை நடைபெற்றது.

÷முதலில் ஆடிய பாகிஸ்தான் 267 ரன்கள் எடுத்து ஆட்டமிழந்தது. பின்னர் ஆடிய இந்திய அணி 49.5 ஓவர்களில் 7 விக்கெட் இழப்புக்கு 271 ரன்கள் எடுத்து வெற்றி பெற்றது.

÷ பாகிஸ்தானின் துவக்க ஆட்டக்காரர் சல்மான் பட், சிறப்பாக ஆடி 74 ரன்கள் குவித்தார். கம்ரன் அக்மல் 51 ரன்கள் எடுத்தார்.

÷இதையடுத்து 268 ரன்கள் என்ற வெற்றி இலக்குடன் இந்திய அணி களமிறங்கியது. அதிரடி துவக்க ஆட்டக்காரர் சேவாக் பாகிஸ்தானின் பந்துவீச்சை எதிர்கொள்ள முடியாமல் தடுமாறினார். அவர் 32 பந்துகளில் 10 ரன்கள் எடுத்து

ஆட்டமிழந்தார். கம்பீர் 1 சிக்ஸர், 6 பவுண்டரிகளுடன் 83 ரன்கள் எடுத்து ஆட்டமிழந்தார்.

÷கேப்டன் தோனி 56 ரன்களில் சோயிப் மாலிக் பந்தில் போல்டு ஆனார். கடைசி ஓவரின் 2-வது பந்தில் ரெய்னா 37 ரன்களில் ரன் அவுட் ஆனார். இந்திய அணி 4 பந்துகளில் 6 ரன்கள் எடுக்க வேண்டிய நிலைக்கு தள்ளப்பட்டதால் ஆட்டத்தில் பரபரப்பு ஏற்பட்டது.

÷இதையடுத்து களம்புகுந்த பிரவீன்குமார் தான் சந்தித்த முதல் பந்தில் 2 ரன்களும், இரண்டாவது பந்தில் ஒரு ரன்னும் எடுத்தார். கடைசி இரு பந்துகளில் 3 ரன்கள் தேவைப்பட்டபோது கடைசி ஓவரின் 5-வது பந்தில் ஹர்பஜன், சிக்ஸர் அடித்து இந்தியாவுக்கு வெற்றி தேடித்தந்தார்.

சிறப்பாக விளையாடிய கம்பீர் ஆட்டநாயகனாகத் தேர்வு செய்யப்பட்டார்.

இந்த ஆட்டத்தில் பாகிஸ்தான் தோற்றதன் மூலம் போட்டியிலிருந்து வெளியேறியது. இரு ஆட்டங்களில் வென்ற இந்திய, இலங்கை அணிகள் இறுதி ஆட்டத்திற்கு தகுதிபெற்றுள்ளன.

இந்திய அணி, இலங்கையை லீக் ஆட்டத்தில் 22-ம் தேதியும், இறுதி ஆட்டத்தில் 24-ம் தேதியும் எதிர்கொள்கிறது.

kalaimoon70 · kalaimoon70 Sun Jun 20, 2010 12:13 pm

இந்தியா வெற்றி பெற வாழ்த்துவோம்..

முபிஸ் · முபிஸ் Sun Jun 20, 2010 12:21 pm

இறுதி ஆட்டத்துக்கு இந்தியா தகுதி: பரபரப்பான ஆட்டத்தில் பாகிஸ்தானை வீழ்த்தியது 359383

Sponsored content · Sponsored content

இறுதி ஆட்டத்துக்கு இந்தியா தகுதி: பரபரப்பான ஆட்டத்தில் பாகிஸ்தானை வீழ்த்தியது

இறுதி ஆட்டத்துக்கு இந்தியா தகுதி: பரபரப்பான ஆட்டத்தில் பாகிஸ்தானை வீழ்த்தியது

Re: இறுதி ஆட்டத்துக்கு இந்தியா தகுதி: பரபரப்பான ஆட்டத்தில் பாகிஸ்தானை வீழ்த்தியது

Re: இறுதி ஆட்டத்துக்கு இந்தியா தகுதி: பரபரப்பான ஆட்டத்தில் பாகிஸ்தானை வீழ்த்தியது

Re: இறுதி ஆட்டத்துக்கு இந்தியா தகுதி: பரபரப்பான ஆட்டத்தில் பாகிஸ்தானை வீழ்த்தியது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக