மேல்-சபை தேர்தலில் கட்சி மாறி ஓட்டு பா.ஜனதா எம்.எல்.ஏ.க்கள் 3 பேர் “சஸ்பெண்டு”

டெல்லி மேல்-சபை தேர்தல் சமீபத்தில் நடந்தது. இதில் பீகார், ஒரிசா, ஜார்க்கண்ட் ஆகிய மாநிலங்களில் பாரதீய ஜனதா எம்.எல்.ஏ.க்கள் கட்சி மாறி ஓட்டுப்போட்டனர்.

இதையடுத்து அவர்கள் சஸ்பெண்டு செய்யப்பட்டனர். பீகாரைச் சேர்ந்த பன்வாரிராம், ஒரிசாவைச் சேர்ந்த பீம்சென் சவுத்திரி, ஜார்க்கண்டின் ராம்சந்திரா ஆகியோர் சஸ்பெண்டு செய்யப்பட்டுள்ளனர். இவர்கள் மீது கட்சி தலைவர் நிதின்கட்காரி நடவடிக்கை எடுத்துள்ளார்.

இது குறித்து கட்சியின் செய்தி தொடர்பாளர் நிர்மலா சீதாராமன் கூறியதா வது:-

ராஜஸ்தானில் நடந்த மேல்-சபை தேர்தலில் 2 பாரதீய ஜனதா எம்.எல்.ஏ.க்களின் ஓட்டுகள் ரத்து செய்யப்பட்டு உள்ளன. இதற்காக காரணம் தெரிய வில்லை.

இது தொடர்பாக விசாரணை நடத்தப்பட்டு வருகிறது. உண்மை நிலவரம் தெரிய வந்ததும் அந்த எம்.எல்.ஏ.க்கள் மீது நடவடிக்கை எடுக்கப்படும். பிற மாநிலங்களில் கட்சி மாறி வாக்களித்த 3 எம்.எல்.ஏ.க்களை தலைவர் நிதின் கட்காரி சஸ்பெண்டு செய்துள்ளார்.

இவ்வாறு அவர் கூறினார்.

ராஜஸ்தானில் பாரதீய ஜனதா சார்பில் மூத்த தலை வர்களில் ஒருவராக ராம் ஜெத்மலானி போட்டியிட்டு வெற்றி பெற்றார். அவரை நிறுத்திய போது ராஜஸ் தானைச் சேர்ந்த பெரும் பலான பாரதீய ஜனதா எம்.எல்.ஏ.க்கள் எதிர்ப்பு தெரிவித்தனர்.

தேர்தல் நேரத்தில் அவர் களை கட்சி மேலிடம் ஓட்டலில் தங்கவைத்து பின்னர் ஓட்டளிக்க அழைத்து வந்தனர். ஓட்டுகள் எண்ணப்பட்ட போது 2 எம்.எல்.ஏ.க்களின் ஓட்டு ரத்து செய்யப்பட்டது தெரிய வந்தது. ஆனாலும் ராம்ஜெத் மலானி வெற்றி பெற்றார்.