அதிக கொலஸ்ட்ரால் ஆபத்தா?

by சபீர் Sun Jun 20, 2010 9:55 am

First topic message reminder :

நம் உடலின் ஆரோக்கியத்தைக் காக்க நம் உடலே உற்பத்தி செய்யும்
பல்வேறு பொருட்களில் ஒன்று தான்
இந்த கொலெஸ்ட்ரோல் (Cholestrol).
இது வெண்மை
நிறத்திலான கொழுப்பு வகையைச் சேர்ந்த
ஒரு பொருளாகும். இது உடலின் வளர்ச்சிதை மாற்றத்துக்கு மிகவும் அவசிமாகும். இன்னும் பல்வேறு முக்கியமான
ஹார்மோன்கள் , பித்த நீர், வைட்டமின் D மற்றும் உடலின் பல்வேறு முக்கிய புரதச் சத்துகள் , திரவங்களின் தயாரிப்பிற்கு மிகவும் தேவையானது.

கொலஸ்ட்ரால்
எங்கிருந்து
கிடைக்கிறது?
கொலெஸ்ட்ரோல்
பொதுவாக இரண்டு விதங்களில் உடலில் சேர்கிறது.

நமது உடல் கொலெஸ்ட்ரோலைத் தன்னிலிருந்தே உற்பத்தி
செய்து கொள்கிறது. நம் கல்லீரல் நாளொன்றுக்குச் சுமார் 1000 மில்லிகிராம்கள் வரை கொலெஸ்ட்ரோலை உற்பத்தி செய்கிறது.கல்லீரலும் மற்ற செல்களும் சேர்ந்து
இரத்தத்தின் மொத்த கொலஸ்ட்ரால்
அளவில் 75% உற்பத்தி செய்கின்றன.
25%
கொலஸ்ட்ரால் நாம்
உட்கொள்ளும் உணவு வகைகளான முட்டைக் கரு,
மாமிசம், கோழியிறைச்சி,
பால் மற்றும் பால்
தயாரிப்புகளிருந்து கிடைக்கிறது.

கொலெஸ்ட்ரால் வகைகள்:
நம் இரத்தத்தில் 'கொலெஸ்ட்ரால்' மற்றும் 'டிரைகிளிஸெரைட்ஸ்' (Triglycerides) ஆகிய இரண்டு வித கொழுப்புகள் உள்ளன.
டிரைகிளிஸெரைட்ஸ் என்பது கல்லீரலால் தயாரிக்கப்படும் ஒருவிதக் கொழுப்பே! இது
நம்முடைய அன்றாடச் செயல்பாட்டிற்குத் தேவையான சக்தியை உடலுக்கு
வழங்குகின்றது. கொலெஸ்ட்ரோலைப் போலவே இரத்தத்தில் டிரைகிளிசெரைடுகள் அதிக அளவில்
இருந்தாலும் இருதய நோய்களின் அபாயத்தை அதிகப் படுத்திவிடும்.

கொலெஸ்ட்ரோல் புரதங்களுடன் இணைந்து ஒரு லிப்பொ ப்ரொடீன் ஆகி, அதன் மூலம் உடல் முழுவதும் பயணிக்கிறது.
லிபோபுரோட்டீன்கள் என்பவை இரண்டு வகைகளாகும். அவை:

1. குறைந்த அடர்த்தியுள்ள (Low density) லிப்போ புரோட்டின் (LDL)

2. அதிக அடர்த்தியுள்ள (High density) லிப்போ புரோட்டின் (HDL)

அடர்த்திக் குறைவான லிப்போ புரோட்டீன் (LDL):
இது 'தீய கொலெஸ்ட்ரோல்' என்று குறிப்பிடப்படுகிறது. ஏனெனில், இந்த (LDL)
அதிக அளவில் இரத்த ஓட்டத்தில் கலந்து செல்லும்போது, இருதயத்திற்கும் மூளைக்கும் செலுத்தப்படும் இரத்தக் குழாய்களின் சுவரில்
கொஞ்சம் கொஞ்சமாக ஒட்டிக் கொள்கிறது.காலப் போக்கில்
இரத்தக்குழாய்களை குறுகச் செய்கிறது

அடர்த்திமிகு லிபோபுரோட்டீன் (HDL):

இது 'நல்ல கொலெஸ்ட்ரோல்' என்று குறிப்பிடப்படுகிறது. ஏனெனில் இது இரத்தத்திலிருந்து
அதிக அளவிலான கொலெஸ்ட்ரோலை தமனியிலிருந்து அகற்றி பின் கல்லீரலுக்குக் கொண்டு
செல்கிறது. இரத்தத்திலிருந்து அதிக அளவிலான கொலெஸ்டொரோலை இவ்வாறு அகற்றுவதவன் மூலம்
மாரடைப்பு, பக்கவாதம் போன்ற நோய்களின் தாக்குதலிலிருந்து இது நம்மைப்
பாதுகாக்கிறது.

by மஞ்சுபாஷிணி Sun Jun 20, 2010 2:15 pm

கொலஸ்ட்ரால் பற்றி எத்தனை அற்புதமான கட்டுரை விவரங்கள் அத்தனையும் ஏ டு இசட் வரை மிக மிக அருமையாக தெளிவாக கொடுத்திருப்பது சிறப்பு சபீர்...

சபீரின் மருத்துவக்கட்டுரைகளை மேம்போக்காக படிக்காமல் ஆழ்ந்து படித்து பயனடைவோருக்கு எத்தனை நன்மை இந்த கட்டுரை போடுவதால் என்பது இதோ நான் உணர்ந்து சொல்கிறேன்...

கொலஸ்ட்ரால் அதிகமாகி அதிலும் நல்லகொலஸ்ட்ரால் தீயக்கொலஸ்ட்ராலை கட்டுப்படுத்தி வைப்பதுடன் உடலையும் பாதுகாப்பாக வைக்கிறது... இருதயத்துடிப்பு நிதானமாக நின்று நிலையாக துடிக்கனும்னா தீயக்கொலஸ்ட்ரால் இருக்கும் உணவுகளை தவிர்க்க வேண்டும்..

என்னென்ன எண்ணை சமையலுக்கு உபயோகப்படுத்தலாம் என்று கொடுத்திருப்பது கூடுதல் டிப்ஸ்....

தாவரத்தில் இருந்து வரும் எந்த எண்ணையும் உடலுக்கு தீங்கில்லை மாமிசத்திலிருந்து எடுக்கப்படும் எதுவுமே கொலஸ்ட்ரால் அதிகம் இருக்கும் கவனம் கவனம்...

கொலஸ்ட்ரால் வேற கொழுப்பு வேற என்று தந்தது இன்னும் எங்களுக்கு தெளிவாக்கியது...

கொழுப்பு ஆனாலும் ரொம்ப அதிகம்பா அப்டின்னு இனி யாரையும் சொல்லக்கூடாது.... கொலஸ்ட்ரால் ஆனாலும் ரொம்ப அதிகம் தான் இவனுக்கு அப்படியும் சொல்லக்கூடாது... ஏன்னா இது உயிர்க்கொல்லி நோயாக சாத்தியக்கூறு இருப்பதால் விளையாட்டுக்கு கூட இப்படி சொல்லக்கூடாது இனி...

அருமையான இந்த விழிப்புணர்வு கட்டுரைக்கு என் அன்பு நன்றிகள் சபீர்...

by **Aathira** Sun Jun 20, 2010 3:18 pm

கொலஷ்ட்ரால் பற்றிய கட்டுரையாக மட்டும் இல்லாமல் இது எச்சரிக்கை கோடுகளைக் காட்டி எல்லா தகவல்களையும் தந்துள்ளது.எல்லோருக்கும் பயனுள்ளது. பகிர்வுக்கு மிக்க் நன்றி சபீர்... அதிக கொலஸ்ட்ரால் ஆபத்தா? - Page 2 678642