இனிப்பான முத்தமும் கசப்பான உண்மையும்! - ஒரு நடிகையின் கூச்சல்

அர்ச்சனான்னு பேரு வச்சவங்கள்ளாம் இனிப்பா இருப்பாங்கன்னு சொல்லவே முடியாது. அதுக்கு ஒரு உதாரணம்தான் நாம் சொல்லப் போற இந்த சம்பவம். ஏ ஒன் என்டர்டெயின்ட்மென்ட் நிறுவனம் தயாரிக்கும் படம் சாந்தி. இதில் நடிக்க வந்த மும்பை புதுமுகம்தான் அர்ச்சனா. இப்படத்திற்காக போட்டேசெஷன் சமயத்தில் மிகுந்த ஒத்துழைப்பு கொடுத்த நடிகை, படம் ஆரம்பிச்சு இருபதாவது நாளில் 'ம்ஹ§ம், மாட்டேன்' என்று முரண்டு பிடித்தது கவர்ச்சியான சில மூவ்மெண்டுகளுக்கும் ஒன்லி ஒன் முத்தக்காட்சிக்கும்!



அக்ரிமென்ட் போடும்போது அத்தனைக்கும் சரின்னு சொன்ன பொண்ணு, அதுக்குள்ளே மாட்டேங்குதே என்று அதிர்ந்து போன இயக்குனர் முரளி விஷ்வா, 'நடிச்சே ஆகணும்' என்று சண்டைக்கு நிற்க, கோபித்துக் கொண்டு செட்டை விட்டே வெளியேறினார் அர்ச்சனா. வட போச்சே என்ற வருத்தத்தில் நின்றவர் படத்தின் நாயகன் மகா ஆதித்யா மட்டும்தான்! அதற்குள் தயாரிப்பாளருக்கு செய்தி போனது.

'இந்த பொண்ணு நம்ம படத்திலே நடிக்கலேன்னாலும் பரவாயில்ல. முடியுமா முடியாதான்னு கேளுங்க' என்றார் அவர். ஒருவழியாக மும்பைக்கே இவரை பேக்கப் பண்ணுகிற மூடுக்கு வந்தார்களாம் அத்தனை பேரும். 'இந்த படத்தில இனிமே நீ இல்லம்மா. விலகிக்கிறேன்னு ஒரு கையெழுத்து மட்டும் போடு'ன்னு கேட்டவுடன்தான் முழுக்க நனைஞ்சாச்சு, முக்காடு எதுக்குங்குற முடிவுக்கே வந்தாராம் அர்ச்சனா. கேட்டதை விட பல மடங்கு கிறக்கத்துடன் அவர் கொடுத்த முத்தத்தை மூணு கேமிரா வைத்து படம் பிடித்தாராம் முரளி விஷ்வா. ஒரு நிமிடம் 12 வினாடிகள் நீடித்த அந்த முத்தத்தை மூன்று கேமிரா உதவியுடன் மூன்று நிமிட முத்தமாக திரையில் தர இருக்கிறதாம் சாந்தி டீம்.

ஒரு இனிமையான முத்தத்திற்கு பின் இத்தனை கசப்பான வலிகள் இருப்பது எத்தனை ரசிகர்களுக்கு தெரியப் போகிறது?