11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

ரபீக் · ரபீக் Fri Jun 18, 2010 5:34 pm

மனைவியுடன் ஏற்பட்ட தகராறில் ஆத்திரமடைந்த நபர், தனது 11 மாத கைக்குழந்தையை சுவற்றில் வீசி அடித்து மிகக் கொடூரமாக கொன்ற சம்பவம் சென்னையில் நடந்துள்ளது.

சென்னை திருவல்லிக்கேணி தேவராஜ் முதலி தெருவைச் சேர்ந்தவர் விஜயன் (30). இவர் பெசன்ட்நகரில் உள்ள ஒரு ஜிம்மில் பணியாற்றி வருகிறார். இவரது மனைவி வித்யா (25). 4 குழந்தைகள் உள்ளனர்.

கடைசி குழந்தையான தனுஷ்காவுக்கு (11 மாதம்) கடந்த 1ந் தேதி உடல் நலம் சரியில்லை. இதையடுத்து மருத்துவமனைக்கு அழைத்துச் சென்று சிகிச்சை அளித்தனர். இந்த நிலையில், குழந்தை இறந்ததாக கூறி கிருஷ்ணாம்பேட்டை சுடுகாட்டில் குழந்தையின் உடல் அடக்கம் செய்யப்பட்டது.

இந்தப் பின்னணியில் கடந்த 11ம் தேதி ஜாம்பஜார் காவல் நிலையத்தில் விஜயனின் மனைவி நித்யா ஒரு புகார் கொடுத்தார்.

அதில், 1ந் தேதி அன்று எங்களது 11 மாத கைக்குழந்தை தனுஷ்கா அழுது கொண்டிருந்தாள். அப்போது எனது கணவர் விஜயன் குழந்தையை தூக்கி சுவற்றில் வீசினார். அதில் குழந்தை இறந்துவிட்டது. ஆனால் அதை மறைத்து குழந்தையின் உடல் அடக்கம் செய்யப்பட்டது. எனது கணவர் மீது நடவடிக்கை எடுக்க வேண்டும் என கூறியிருந்தார்.

இதையடுத்து போலீஸார் விஜயனை பிடித்துவிசாரித்தனர். ஆனால் மருத்துவமனையில் சிகிச்சை எடுத்த பின்னர்தான் குழந்தை இறந்ததாக விஜயன் கூறினார். இதையடுத்து புதைக்கப்பட்ட குழந்தையின் உடலை தோண்டி எடுத்து போலீஸார் விசாரணை நடத்தினர். பிரேதப் பரிசோதனை அறிக்கையில், குழந்தையின் நெற்றியில் காயம் ஏற்பட்டுள்ளதால் இது இயற்கை மரணம் அல்ல என்று குறிப்பிடப்பட்டிருந்தது.

இதையடுத்து மீண்டும் விஜயனிடம் போலீஸார் தீவிர விசாரணை நடத்தினர்.

அப்போது அவர் உண்மையை ஒத்துக் கொண்டார்.

போலீஸாரிடம் விஜயன் கொடுத்த வாக்குமூலம்:

சம்பவத்தன்று குழந்தை தனுஷ்காவுக்கு காய்ச்சல் இருந்ததால் அழுது கொண்டிருந்தது. அப்போது நான் என் மனைவி வித்யாவிடம் சாப்பாடு போடும்படி கூறினேன். அதற்கு வித்யா குழந்தை அழுதுகொண்டிருக்கிறது. அதற்கு மருந்து கொடுத்துவிட்டு தூங்க வைத்த பின்னர் சாப்பாடு போடுகிறேன் என்றார்.

தொடர்ந்து குழந்தை அழுது கொண்டிருக்கவே ஆத்திரத்தில் குழந்தையை தூக்கி வீசி எறிந்தேன். குழந்தை சுவற்றில் பட்டு கீழே விழுந்ததில் நெற்றியில் காயம்பட்டு மயக்கம் அடைந்தது. உடனடியாக அருகில் உள்ள மருத்துவரிடம் கொண்டு சென்றேன். குழந்தையை பரிசோதித்த அவர் சிறிது நேரத்திற்கு முன் குழந்தை இறந்துவிட்டதாக கூறினார்.

இதையடுத்து குழந்தையை அடக்கம் செய்ய அவரிடம் சர்ட்டிபிகேட் கேட்டேன். குழந்தைக்கு காய்ச்சல் இருந்ததால் அவரும் சர்ட்டிபிகேட் கொடுத்தார். அதன் மூலம் குழந்தையை அடக்கம் செய்தேன் என்றார்.

இதையடுத்து போலீஸார் விஜயனைக் கைது செய்தனர்.

**Aathira** · **Aathira** Fri Jun 18, 2010 5:56 pm

11 மாத குழந்தையை சுவற்றில் அடித்து கொடூரமாகக் கொன்ற தந்தை கைது Affraid

என்ன கொடுமை.. தந்தை மகற்காற்றும் நன்றி... 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது 740322

**krishnaamma** · **krishnaamma** Fri Jun 18, 2010 7:42 pm

அடபாவி மனுஷா ! எதிர்ப்பு

இந்த மாதிரி அப்பா வயசான எங்க இருக்கனும் ?

இவனையே பார்த்து வளர்ந்த குழந்தைகள் இவனை, அவன் வயதான காலத்தில் எங்க விடும் ? .............. முதியோர் இல்லத்தில் தான? அப்பவும், இந்த ஆளுக்காக பாவம் ' முதியவர் நு வாதடுவர்கள் இது தான் உலகம்.

என்ன கொடுமை சார் இது

சம்சுதீன் · சம்சுதீன் Fri Jun 18, 2010 7:56 pm

krishnaamma wrote:அடபாவி மனுஷா ! இந்த மாதிரி அப்பா வயசான எங்க இருக்கனும் ?

இவனையே பார்த்து வளர்ந்த குழந்தைகள் இவனை, அவன் வயதான காலத்தில் எங்க விடும் ? .............. முதியோர் இல்லத்தில் தான? அப்பவும், இந்த ஆளுக்காக பாவம் ' முதியவர் நு வாதடுவர்கள் இது தான் உலகம்.

சரியாக சொன்னிங்க காலம் மாறிப்போச்சி திருந்தாத ஜென்மம்

மஞ்சுபாஷிணி · மஞ்சுபாஷிணி Fri Jun 18, 2010 10:00 pm

கம்சன் இறந்தான் என்று நினைத்தோமே... மறுபிறவி எடுத்து வந்துட்டான் போல சோகம்

இப்படி ஒரு ஜென்மத்துக்கு முதியோர் இல்லமா?? இவன் அதுவரை பிழைத்திருப்பானா? அப்படியே பிழைத்தாலும் சுயநினைவோடு இருப்பானா? இவன் செய்த இந்த பாவமே ( என்ன கோபம் என்றாலும் இந்த அளவுக்கு கூட ஒரு மனிதன் தரம் இறங்குவானா சோகம்

) அவன் கோபமே அவனுக்கு சத்ரு ஆனது.. இனி அவன் மனசாட்சியே கொன்னுரும்... இனி அவன் உயிரோடு இருந்தாலும் பிணம் தான்.....

அன்பு தளபதி · அன்பு தளபதி Fri Jun 18, 2010 10:01 pm

அறியாத வயதில் இந்த கொடூர மரணத்தை அளித்த கடவுள் தான் எல்லாத்துக்கும் பொறுப்பு

**சிவா** · **சிவா** Fri Jun 18, 2010 10:02 pm

மஞ்சுபாஷிணி wrote:கம்சன் இறந்தான் என்று நினைத்தோமே... மறுபிறவி எடுத்து வந்துட்டான் போல இப்படி ஒரு ஜென்மத்துக்கு முதியோர் இல்லமா?? இவன் அதுவரை பிழைத்திருப்பானா? அப்படியே பிழைத்தாலும் சுயநினைவோடு இருப்பானா? இவன் செய்த இந்த பாவமே ( என்ன கோபம் என்றாலும் இந்த அளவுக்கு கூட ஒரு மனிதன் தரம் இறங்குவானா ) அவன் கோபமே அவனுக்கு சத்ரு ஆனது.. இனி அவன் மனசாட்சியே கொன்னுரும்... இனி அவன் உயிரோடு இருந்தாலும் பிணம் தான்.....

சரியான சாட்டையடி அக்கா!

கலைவேந்தன் · கலைவேந்தன் Fri Jun 18, 2010 11:08 pm

தலைப்பைப்பார்த்து பதைத்து வந்தேன்,,,

இறைவா... இப்படியும் ஒரு மனிதனா...? 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது 440806

நியாஸ் அஷ்ரஃப் · 15/06/2010

ஜீரணிக்க முடியாத செய்தி.. 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது 440806

arularjuna · arularjuna Sat Jun 19, 2010 11:08 am

எங்கே இருந்துடா வரிங்க மனசாச்சி இல்லாத நீங்க உயிருடன் இருந்தும் பயனில்லை

Sponsored content · Sponsored content

11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

Re: 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

Re: 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

Re: 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

Re: 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

Re: 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

Re: 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

Re: 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

Re: 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

Re: 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

Re: 11 மாத குழந்தையை சுவற்றில் அடித்து கொடூரமாகக் கொன்ற தந்தை கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக