மாயச் சிறகு !

by நிலாசகி Sat 19 Jun 2010 - 1:36

வாழ்க்கைப் பயணமிது
சிறகுகள் தேவைப்படுகிறது
ஒவ்வொருதருனத்திலும்
ஒவ்வொருவிதமாக

கதகதப்பில் அரவணைக்கப்பட்டுகிடக்க
வலுசேர்த்து
மேலும்பறக்க
மிதியடியாய் சிலநேரம்
கனவுகள் சேர்க்க சிலநேரம் ...

தாய் தகப்பனிடம்
கூட்டுக்குள் கிடைக்கும்
சகோதர
பாசத்தில்
பங்கு கொள்ளும்
ரத்தமெனும் சிறகு!

உற்றார்
உறவினரிடம்
தோப்புக்குள் கிடைக்கும்
பந்த பாசத்தில்
தழுவிக்
கொள்ளும்
சொந்தமெனும் சிறகு!

வகுப்பறைத் தோழனென
கூடத்தில் கிடைக்கும்
தோள் சாய்ந்து
கற்கும் நன்றாய்
தோழமைச் சிறகு

கண்கள்திறக்கும் ஆசானின்
கரும்பலகையில் கிடைக்கும்
ஏட்டில் ஏறும்
சபையில் ஏற்றும்
ஞியானச் சிறகு !

ஹார்மோன்சுரக்க காதலியின்
பார்வையில் கிடைக்கும்
இதயம் இடமாறும்
கவிகள்பல பாடும்
காதல் சிறகு!

பட்டுத்திருந்தும் சகமனிதன்
சறுக்கலில் கிடைக்கும்
பாடாய் படுத்தும்
படைத் தீட்டும்
அனுபவச் சிறகு!

அணைப்பில் மனைவி
குழந்தைக் கிடைக்கும்
எதிர்பார்ப்பின் உருவம்
அடையாளம் மாற்றும்
பொறுப்புச் சிறகு!

பூங்காபெஞ்சில் சிநேகம்
அர்த்தம் கிடைக்கும்
அசைபோட வைக்கும்
பேரனை கொஞ்சிமகிழும்
முதுமைச் சிறகு !

ஒப்பாரி இசை
அமைதி கிடைக்கும்
மரணம் புரிபடும்
காடுபோய் சேர்க்கும்
மாயச் சிறகு!

-நிலாசகி

by நியாஸ் அஷ்ரஃப் Sat 19 Jun 2010 - 1:41

சிறகுகள் அடிப்பதும் சுகம்தான் இல்லையா..
பகிர்விற்கு நன்றிகள்..

by மஞ்சுபாஷிணி Sat 19 Jun 2010 - 1:45

சிறகு தோழமையாய் பொறுப்பாய் சொந்தமாய் ரத்தசம்மந்தமாய் முதுமையாய் இறுதியில் ஒப்பாரி இசையில் முடக்கிக்கொண்ட ஊர்வலமாய் அடங்கிவிட்ட மூச்சாய் மாயச்சிறகின் அத்தனை கோணங்களையும் அழகாய் வரிகளில் கோர்த்த விதம் சிறப்பு நிலாசகி....

அன்பு பாராட்டுக்கள்

by சரவணன் Sat 19 Jun 2010 - 2:16

அருமையான கவிதை. மாயச் சிறகு ! 677196

by அப்புகுட்டி Sat 19 Jun 2010 - 2:31

சிறப்பாக உள்ளது அக்கா நிலா சகி நன்றி வாழ்த்துக்கள்.

by நிலாசகி Sat 19 Jun 2010 - 18:27

மிக்க நன்றி நண்பர்களே! சகோதரர்களே !

by சரவணன் Sat 19 Jun 2010 - 18:29

நிலாசகி wrote:மிக்க நன்றி நண்பர்களே! சகோதரர்களே !

நீங்க ஒரு தப்புப் பண்ணிட்டீங்கம்மா!

by **ரிபாஸ்** Sat 19 Jun 2010 - 18:29

சூப்பர் அக்கா அருமையான வரிகள்

by நிலாசகி Sat 19 Jun 2010 - 18:38

பிச்ச wrote:
நிலாசகி wrote:மிக்க நன்றி நண்பர்களே! சகோதரர்களே !
நீங்க ஒரு தப்புப் பண்ணிட்டீங்கம்மா!

என்ன தப்பு ???சொன்னால் திருத்திக்கொள்கிறேன்

by சரவணன் Sat 19 Jun 2010 - 18:40

நிலாசகி wrote:
பிச்ச wrote:
நிலாசகி wrote:மிக்க நன்றி நண்பர்களே! சகோதரர்களே !
நீங்க ஒரு தப்புப் பண்ணிட்டீங்கம்மா!
என்ன தப்பு ???சொன்னால் திருத்திக்கொள்கிறேன்

இல்லை இத்தே தண்டி கவிதை எழுதி இருக்கீங்க.
இதை பிரித்து பத்து கவிதை எழுதியிருக்கலாம் என்று சொன்னனான்!
மாயச் சிறகு ! 230655