தர்மபுரி அருகே பயங்கரம்: வேன்-லாரி மோதலில் 16 பேர் பலி

ரபீக் · ரபீக் Thu 17 Jun 2010 - 12:55

தர்மபுரி மாவட்டம் பாலக்கோடு அருகே திருமண கோஷ்டியினர் வந்த வேனும், லாரியும் மோதிக் கொண்ட பயங்கர விபத்தில் 16 பேர் உயிரிழந்தனர்.

பெல்ராம்பட்டி கிராமத்திலிருந்து ஒரு கல்யாண கோஷ்டி வேனில், பொம்மிடி நோக்கிப் போய்க் கொண்டிருந்தது. வேனில் மணப்பெண் நித்யா, அவருடைய பெற்றோர் கணேசன், சுகன்யா மற்றும் உறவினர்கள் இருந்தனர்.

நேற்று மாலை, பாலக்கோடு அருகே கர்த்தனூர் என்ற இடத்தில் உள்ள ரயில்வே கிராசிங்கை கடந்து வேன் வந்தபோது, எதிர் திசையில் வந்த லாரி வேனுடன் பயஙகரமாக மோதியது. இந்தக் கோர விபத்தில் கல்யாண கோஷ்டியைச் சேர்ந்தவர்கள் 16 பேர் உயிரிழந்தனர்.

5க்கும் மேற்பட்டோர் காயமடைந்தனர். காயமடைந்தவர்கள் தர்மபுரி அரசு மருத்துவமனைக்குக் கொண்டுசெல்லப்பட்டனர்.

விபத்து காரணமாக அந்த சாலையில் போக்குவரத்து கடுமையாக பாதிக்கப்பட்டது. விரைந்து வந்த போலீஸாரும், தீயணைப்புப் படையினரும் மீட்புப் பணியில் ஈடுபட்டனர். மீட்பு முயற்சிகள் நள்ளிரவைத் தாண்டியும் நீடித்தது.

மாவட்ட ஆட்சித் தலைவர் அமுதா, மாவட்ட எஸ்.பி உள்ளிட்டோர் மருத்துவமனைக்கு சென்று காயமடைந்து அனுமதிக்கப்பட்டவர்களைப் பார்த்து ஆறுதல் கூறினர்.

பாலக்கோடு போலீஸார் வழக்குப் பதிவு விசாரணை நடத்தி வருகின்றனர்.

kalaimoon70 · kalaimoon70 Thu 17 Jun 2010 - 12:57

விபத்தை தடுக்க சாலைவிதிகளை மதிப்போம்....

தர்மபுரி அருகே பயங்கரம்: வேன்-லாரி மோதலில் 16 பேர் பலி

தர்மபுரி அருகே பயங்கரம்: வேன்-லாரி மோதலில் 16 பேர் பலி

Re: தர்மபுரி அருகே பயங்கரம்: வேன்-லாரி மோதலில் 16 பேர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக