அல்சர்

தம்மையறிதல் தனக்கு ஒரு கேடுமில்லை என்ற திருமூலரின் வாசகத்தை அனைவரும் கடைபிடித்தால் நோயில்லா பெருவாழ்வு வாழலாம்.
தீதும் நன்றும் பிறர்தர வாரா என்ற கனியன் பூங்குன்றனாரின் வரிகள் போல் நம் உடலை நாமேதான் கெடுத்து பல நோய்களின் உறைவிடமாக ஆக்கிக்கொண்டுவிட்டோம்.
நம் அன்றாட வாழ்க்கை முறையில் ஏற்படும் மாற்றங்கள் அனைத்தும் மனித உடலைப் பாதிக்கின்றன.
இந்த வகையான பாதிப்புகளில் குடற்புண் (அல்சர்) ஒன்றாகும். இந்த அல்சர் ஏற்றதாழ்வு இல்லாமல் பாமரர் முதல் பணக்காரர் வரை அனைவரையும் பாதிக்கும் நோயாகும்.

குடற்புண் ஏற்பட காரணம்:
· உணவு முறை மாறுபாடு, காலம் கடந்த உணவு போன்றவற்றால் ஏற்படும்
· மனக்கவலை, அதிர்ச்சி, கோபம், மன அழுத்தம் போன்றவற்றால் ஏற்படும்
· புகை, மது, போதை இவற்றால் உண்டாகும்.
· ஊட்டச்சத்து குறைவால் உண்டாகும்.
· வீரிய மருந்துகள், நச்சுப் பொருட்கள் பித்த அதிகரிப்பு இவற்றால் ஏற்படும்.

அல்சர் அறிகுறிகள்:
· வயிறு கனமாக இருப்பது
· அஜீரணம் ஏற்படுதல்
· புளித்த ஏப்பம் உருவாகுதல்
· அடிக்கடி வாந்தி உண்டாதல்
· வயிறு உப்பிசம்
· வாயுக்கோளாறு
· வயிற்றுவலி
போன்றவை ஏற்படும்.

இந்த குடற்புண்களை சித்தர்கள் 8 வகைகளாக பிரிக்கின்றனர்.
1. வாயு குன்மம்
2. வாத குன்மம்
3. பித்த குன்மம்
4. கப குன்மம்
5. சன்னி குன்மம்
6. எரி குன்மம்
7. சக்தி குன்மம்
8. வலி குன்மம்

குடல்புண் நோயாளிகள் கடைபிடிக்க வேண்டியவை.
· அதிக காரம் , அதிக புளிப்பு உள்ள உணவை தவிர்க்க வேண்டும்.
· எண்ணெய் பதார்த்தங்கள், மசாலா உணவுகளை தவிர்க்க வேண்டும்.
· கவலை, பரபரப்பு, டென்சன், கோபம் இவற்றைக் குறைத்துக்கொள்ள வேண்டும்.
· எளிதில் சீரணமாகக்கூடிய உணவுகளை சாப்பிட வேண்டும். உணவில் மிளகு,மணத்தக்காளிக் கீரை, முட்டைக்கோஸ் சேர்த்து சாப்பிடுவது நல்லது.
· சரியான நேரத்திற்கு உணவருந்த வேண்டும்.
· அதிக உணவு ஆபத்தை விளைவிப்பதுபோல் அதிக பட்டினியும் குடலைப் புண்ணாக்கிவிடும்.

குடற்புண் நாளடைவில் புற்றுநோயாக மாறக்கூடும். இதனால் குடற்புண் உள்ளவர்கள் மருத்துவரை அணுகி ஆலோசனை பெற்று மருந்து மற்றும் உணவருந்தினால் குடற்புண்ணை ஆற்றவும், வராமல் தடுக்கவும் முடியும்.

அல்சர் பற்றிய நன்றானதொரு விளக்கம் தந்த தாமுக்கு எனது அன்பு நன்றிகள்