பிளாஸ்டிக் எமன்

**சிவா** · **சிவா** Sun Aug 16, 2009 7:33 am

- ஒரு பிளாஸ்டிக் பையின் சராசரி பயன்படும் நேரம் வெறும் 20 நிமிடங்கள் மட்டுமே. ஆனால் அது மக்குவதற்கு ஆகும் காலமோ நூற்றுக்கணக்கான ஆண்டுகள். வகையைப் பொருத்து இந்தக் காலம் மாறுபடும்.

- கடலில் மிதந்து கொண்டிருக்கும் கழிவுகளில் 90 சதவீதம் பிளாஸ்டிக்கே

- தற்போது உற்பத்தி செய்யப்படும் பிளாஸ்டிக்கில் வெறும் 7 சதவீதம் மட்டுமே மறுசுழற்சி செய்யப்படுகிறது. அதாவது மறுபடி பயன்படுத்தப்படுகிறது. அப்படியானால், சென்னையில் ஒரு நாளில் மட்டும் கொட்டப்படும் கழிவு பிளாஸ்டிக்கின் அளவு 1,86,000 கிலோ.

சென்னை, பெங்களூர், ஹைதராபாத் ஆகிய நகரங்கள் தனித்தனியாக ஒரு நாளைக்கு 2,00,000 கிலோ (200 முதல் 250 டன். டன் என்றால் ஆயிரம் கிலோ) பிளாஸ்டிக் கழிவை உருவாக்குகின்றன. இதில் பாதி பிளாஸ்டிக் கழிவுகள் மட்டும் 4 சதுர கிலோ மீட்டர் பரப்பை அடைத்துக் கொள்ளும் தன்மை கொண்டவை. அடிக்கடி வீட்டுச் சாக்கடை, தெருச் சாக்கடை, மழைக்காலங்களில் மழை நீர் வடிகால் குழாய் போன்றவை அடைத்துக் கொண்டு நாறுவதற்கும், வெள்ளக் காடாவதற்கும் இந்த பிளாஸ்டிக்கே காரணம். இப்படி அடைத்துக் கொள்வதால் கழிவுநீர் தேங்குகிறது. ஆட்கொல்லி நோய்களைப் பரப்பும் கொசுக்கள், கிருமிகள் பல்கிப் பெருகி நோய் தாக்குவதற்கு நாமே வாய்ப்பு உருவாக்கித் தருகிறோம்.

நாம் அனைவரும் கவனக்குறைவாக வெளியேற்றும் கீழ்க்காணும் கழிவுகள்தான் நகராட்சி பிளாஸ்டிக் கழிவுகளில் 50 சதவீதத்தை உருவாக்குகின்றன.

- கேரி பேக்குகள்
- காய்கறி கேரி பேக்குகள்
- மளிகைப் பொருள் அடைக்கப்பட்ட பிளாஸ்டிக் பைகள்
- பேக்கேஜிங் பைகள், சுருள்கள்
- வீட்டு குப்பை பைகள்
- வணிக குப்பை பைகள்
- தொழிற்சாலை லைனர்கள்
- மருத்துவ, ஹோட்டல் குப்பை பைகள்

மக்கிப் போவதற்கு ஆகும் காலம்

பிளாஸ்டிக் பைகள் 100-1000 ஆண்டுகள்

வாழைப்பழத் தோல் - 2-10 நாட்கள்
பஞ்சுக் கழிவுகள் - 1-5 மாதங்கள்
காகிதம் - 2-5 மாதங்கள்
கயிறு - 3-14 மாதங்கள்
ஆரஞ்சு தோல் - 6 மாதங்கள்
உல்லன் சாக்ஸ் - 1-5 ஆண்டுகள்
டெட்ரா பேக்குகள் - 5 ஆண்டுகள்
தோல் காலணி - 25-40 ஆண்டுகள்
நைலான் துணி - 30-40 ஆண்டுகள்
தகர கேன் - 50-100 ஆண்டுகள்
அலுமினிய கேன் - 80-1000 ஆண்டுகள்
பிளாஸ்டிக் ரிங்க்ஸ் - 450 ஆண்டுகள்
டயபர், நாப்கின் - 500-800 ஆண்டுகள்

பிளாஸ்டிக் பாட்டில்கள் - எக்காலத்திலும் அழியாது

எனவே, பிளாஸ்டிக் கேரி பேக், பிளாஸ்டிக் பாட்டில்கள் போன்றவற்றை வாங்காதீர்கள். அந்தக் குப்பையை எந்த வகையிலும் உருமாற்றவோ, அழிக்கவோ முடியாது. இன்னும் 10, 20 ஆண்டுகளில் உலகம் கழிவு பிளாஸ்டிக்கால் நிரம்பி வழியும் என்று நம்பப்படுகிறது. நமது முதுமைக் காலத்தை கொஞ்சம் நினைத்துப் பாருங்கள்.

பிளாஸ்டிக் பைகளைத் தவிர்ப்பதற்கு இதற்கு மேல் வலுவான காரணம் வேண்டுமா?

சுத்தமான, மாசுபாடற்ற சுற்றுச்சுழலைப் பெறுவது ஒவ்வொருவரது அடிப்படை உரிமை

அனைத்து மாற்றங்களும் நம் வீட்டிலிருந்து, நம்மிடமிருந்தே தொடங்குகின்றன.

- ஆதி @ keetru.com

(நன்றி- பயோடெக் பேக்ஸ் வெளியிட்ட அறிக்கை)

sankaran · sankaran Mon Aug 17, 2009 5:52 pm

நாளொன்றுக்கு 200 டன் பிளாஸ்டிக் கழிவா ? நினைக்கவே பயமாக இருக்கிறது.

மல்லிகை கடைக்காரர் பிளாஸ்டிக் பையில் சாமான் விற்கிறார் என்றால் ok, வழிபாட்டு தளங்களிளுமா பிளாஸ்டிக் பையில் பிரசாதம் வியோகம் செய்ய வேண்டும் ?

வாழையிலை (biodegradable) தொன்னை என்ன பிளாஸ்டிக் பையை விட கேவலமா ?

தகவலுக்கு நன்றி

தாமு · தாமு Fri Sep 18, 2009 9:17 am

நினைக்கவே பயமாக இருக்கிறது பிளாஸ்டிக் எமன் - சில அதிர்ச்சிகர உண்மைகள் 56667

பிளாஸ்டிக் எமன் - சில அதிர்ச்சிகர உண்மைகள் 67637

பிளாஸ்டிக் எமன் - சில அதிர்ச்சிகர உண்மைகள் 230655

சரண்.தி.வீ · சரண்.தி.வீ Fri Sep 18, 2009 9:26 am

ஐயோ,

பிளாஸ்டிக் எமன் - சில அதிர்ச்சிகர உண்மைகள் Affraid

..
தகவலுக்கு நன்றிகள்

VIJAY · VIJAY Fri Sep 18, 2009 10:02 am

அய்யோ..

சபீர் · சபீர் Wed Jun 02, 2010 2:40 pm

ஐயோ இப்படியெல்லாம் உள்ளதா நினைத்தாலே பயம்பயமா வருது பிளாஸ்டிக் எமன் - சில அதிர்ச்சிகர உண்மைகள் Affraid

சரவணன் · சரவணன் Wed Jun 02, 2010 2:45 pm

முன்பெல்லாம் (கிராமங்களிலே) பார்த்தீர்களேயானால். கடைக்கு போகின்ற பொழுது
தாள் கூடியோ, மஞ்சள்(துணி) பையோ அல்லது ஒயர் கூடியோ கொண்டு
செல்வார்கள்....அனால் இப்பொழுதெல்லாம் ஸ்டைல் என்று சொல்லி வெறும் கையை
வீசிக்கொண்டு கடைக்கு சென்று வரும் பொழுது பிளாஸ்டிக் பைகளில் பொருட்களை
வாங்கி வருகிறார்கள்....இது மகா தவறு....

உங்களுக்கு கூடை தூக்கிக்கொண்டு போவது அவமானமாக தோன்றினால் சூட் கேஸ் கொண்டு போகலாம்....எப்படி என் யோசனை?

ப்ரியா · ப்ரியா Wed Jun 02, 2010 2:46 pm

சபீர் wrote:ஐயோ இப்படியெல்லாம் உள்ளதா நினைத்தாலே பயம்பயமா வருது

இரா.எட்வின் · இரா.எட்வின் Mon Jun 07, 2010 7:05 am

உண்மைதான் தோழர். சாம்பார், தேநீர் என்று சகலத்தையும் ப்ளாஸ்டிக் பைகளிலே வாங்கி பழகித் தொலைத்து விட்டோம். எவ்வளவு ஆபத்தான விஷயம்?

இந்தப் புரிதலை இயக்கப் படுத்த வேண்டும்.

**Aathira** · **Aathira** Thu Jun 17, 2010 7:55 pm

பிச்ச wrote:முன்பெல்லாம் (கிராமங்களிலே) பார்த்தீர்களேயானால். கடைக்கு போகின்ற பொழுது
தாள் கூடியோ, மஞ்சள்(துணி) பையோ அல்லது ஒயர் கூடியோ கொண்டு
செல்வார்கள்....அனால் இப்பொழுதெல்லாம் ஸ்டைல் என்று சொல்லி வெறும் கையை
வீசிக்கொண்டு கடைக்கு சென்று வரும் பொழுது பிளாஸ்டிக் பைகளில் பொருட்களை
வாங்கி வருகிறார்கள்....இது மகா தவறு....

உங்களுக்கு கூடை தூக்கிக்கொண்டு போவது அவமானமாக தோன்றினால் சூட் கேஸ் கொண்டு போகலாம்....எப்படி என் யோசனை?

ஏன் பிச்ச கபாலம் (மண்டை ஓடு) கூட தூக்கிக்கிட்டுப் போகலாமே..