கடுமையான போராட்டத்தைக் கொடுத்த வட கொரியாவை வீழ்த்தி பிரேசில் வெற்றி

பாலாஜி · பாலாஜி Wed 16 Jun 2010 - 21:33

ஜோஹன்னஸ்பர்க்: சாதாரண அணியாக பார்க்கப்பட்ட வட கொரியா, ஜாம்பவான் பிரேசிலுக்கு நேற்று லேசான திணறலைக் கொடுத்து விட்டது.

2 கோலடித்து இந்தப் போட்டியில் பிரேசில் வென்றாலும் கூட வட கொரியாவை ஒரு கோலடிக்க விட்டு விட்டது பிரேசில்.

ஜோஹன்னஸ்பர்க்கில் நேற்று நடந்த இந்தப் போட்டியில் பிரேசில் எளிதாக வெல்லும், அதிக கோலடிக்கும் என ரசிகர்கள் ஆவலுடன் இருந்தனர்.

ஆனால் ரசிகர்களுக்கு வியப்பளிக்கும் வகையில் வட கொரியாவின் ஆட்டம் அமைந்திருந்தது. யானையின் கால்களுக்குள் புகுந்த கட்டெறும்பு போல வட கொரியா டேக்கா காட்டி பிரேசிலை சற்று வியர்க்க வைத்து விட்டது.

கடந்த 54 ஆண்டுகளில் உலகக் கோப்பைப் போட்டியில் வட கொரியா விளையாடுவது இதுவே முதல் முறையாகும். ஆனால் எந்தவிதப் பதட்டமும் இல்லாமல் படு லாவகமாக ஆடினர் வட கொரிய வீரர்கள். வெற்றி கிடைக்காது என்று தெரிந்தாலும் கூட வெற்றியை இலக்காக வைத்து ஆடினர்.

இந்த தளராத முயற்சிக்கு ஆட்டத்தின் கடைசி நேரத்தில் ஒரு கோல் மூலம் பலன் கிடைத்தது.

ஆட்டத்தின் முதல் பாதியில் இரு அணிகளுமே கோலடிக்கவில்லை. பிரேசிலால் முதல் பாதி ஆட்டத்தில் கோல் போட முடியாமல் போனது ரசிகர்களுக்கு அதிர்ச்சியைக் கொடுத்தது. 55வது நிமிடத்தில் மைகான் பிரேசிலின் முதல் கோலைப் போட்டார்.

அடுத்து 71வது நிமிடத்தில் ரோபின்ஹோ 2வது கோலை அடித்தார். இதன் மூலம் பிரேசிலின் வெற்றி உறுதியானது.

இந்த நிலையில் எதிர்பாராத வகையில், 87வது நிமிடத்தில் வட கொரியாவின் யூன் நாம் ஜி ஒரு கோலடித்த வட கொரிய கால்பந்து வரலாற்றில் புதிய அத்தியாயத்தைத் தொடங்கினார்.

போட்டி முழுவதிலும் பிரேசிலின் ஆதிக்கமே மேலோங்கியிருந்தாலும் கூட [u]
வட கொரியர்கள், ரசிகர்களின் மனதை வென்று விட்டனர்.[/உ]

- தட்ஸ்தமிழ்

மஞ்சுபாஷிணி · மஞ்சுபாஷிணி Wed 16 Jun 2010 - 21:35

பகிர்வுக்கு அன்பு நன்றிகள் பாலாஜி...

பாலாஜி · பாலாஜி Wed 16 Jun 2010 - 21:42

மஞ்சுபாஷிணி wrote:பகிர்வுக்கு அன்பு நன்றிகள் பாலாஜி...

இந்த ஆட்டத்தை நான் பார்த்தேன், வர்ணனையாளர்கள் மிக அலட்சியமாக கேலி செய்தார்கள்.
ஆனால் இந்த ஆட்டத்தை பார்த்த பின் ப்ரேசில் அணிக்கு உலக கோப்பை வெல்லும் வாய்ப்பு இல்லை என்று தோன்றுகிறது....

ஹாசிம் · ஹாசிம் Wed 16 Jun 2010 - 21:45

நான் பாக்க வில்லை என்ன நடந்து பாலாஜி என் இப்படிச்சொல்றிங்க எனக்கு நல்லா பிடிச்ச நாடு பிரேசில்

திவா · திவா Wed 16 Jun 2010 - 21:51

வை.பாலாஜி wrote:
மஞ்சுபாஷிணி wrote:பகிர்வுக்கு அன்பு நன்றிகள் பாலாஜி...

இந்த ஆட்டத்தை நான் பார்த்தேன், வர்ணனையாளர்கள் மிக அலட்சியமாக கேலி செய்தார்கள்.
ஆனால் இந்த ஆட்டத்தை பார்த்த பின் ப்ரேசில் அணிக்கு உலக கோப்பை வெல்லும் வாய்ப்பு இல்லை என்று தோன்றுகிறது....

இங்கு பிரேசில் சரியாக விளையாடவில்லை என கூறுவதிலும் வட கொரியா சிறப்பாக ஈடுகொடுத்து விளையாடியதேனலாம்

பாலாஜி · பாலாஜி Wed 16 Jun 2010 - 21:52

ஹாசிம் wrote:நான் பாக்க வில்லை என்ன நடந்து பாலாஜி என் இப்படிச்சொல்றிங்க எனக்கு நல்லா பிடிச்ச நாடு பிரேசில்

எனக்கும் பிடித்த நாடும் அதுதான்,ஆட்டத்தின் 56 வது நிமிடத்தில்தான் ப்ரெசிலால் கோல் அடிக்கமுடிந்தது. வடகொரியா 53 ஆண்டுகளுக்கு பிறகு இப்பொழுதுதான் கலந்துகொள்கிறது.

ஆனால் அனுபவம் உள்ள ஆஸ்திரெலியா அணி ஜெர்மணியிடம் நான்கு கோல் வித்தியாசத்தில் தோல்வி அடைந்தது.

கோல் அடிப்பதை விட , கோல் அடிக்கமால் தடுக்கும் அணியும் மிக சிறந்தது.