போபாலில் 25 ஆண்டுகளுக்குப் பின்னும் நச்சு நீரை குடிக்கும் மக்கள்

போபால் விஷ வாயு சம்பவம் நிகழ்ந்து 25 ஆண்டுகளுக்கு மேல் ஆகியும், அப்பகுதி மக்கள் நச்சுத்தன்மையுள்ள நீரை குடித்து வருவதால், பலவித பாதிப்புக்களுக்கு ஆளாகியுள்ளனர்.
போபாலில் யூனியன் கார்பைடு தொழிற்சாலை இருந்த இடத்தை சுற்றி 3 கிலோ மீட்டர் தொலைவுக்கு பூமியில் பூச்சிகொல்லி மருந்தும், ரசாயணப் பொருட்களும் இருப்பதால் அப்பகுதியின் நிலத்தடி நீர் நச்சுத் தன்மையாக உள்ளது. இது குடிப்பதற்கு ஏற்றதல்ல என அறிவியல் மற்றும் சுற்றுச்சூழல் மையம் கடந்த 7 மாதத்துக்கு முன் அறிக்கை தாக்கல் செய்துள்ளது. ஆனால், இப்பகுதியில் வசிக்கும் 35 ஆயிரம் பேரில் 70 சதவீதம் பேர் நிலத்தடி நீரையே குடிநீராக பயன்படுத்தி வருகின்றனர். இதன் காரணமாக இப்பகுதி மக்கள் பலவித பாதிப்புகளுக்கு ஆளாகியுள்ளனர்.

இங்கு வசிக்கும் சூரஜ் என்ற 10 வயது சிறுவன், 5 வயது சிறுவன் போல் உடல்வளர்ச்சியின்றி காணப்படுகிறான். அவனால் எழுந்து நிற்க கூடி முடியவில்லை. படுத்தபடியே கிடக்கும் அவன் பேசக் கூட முடியாமல் செய்கை காண்பிக்கிறான். பக்கத்து தெருவில் வசிக்கும் மற்றொரு சிறுவன் உடல் மற்றும் மனவளர்ச்சியில்லாமல் காணப்படுகிறான். இப்படி பலர், பலவித பாதிப்புக்களுக்கு ஆளாகியுள்ளனர். இதற்கெல்லாம் இப்பகுதியின் விஷத்தன்மை வாய்ந்த குடிநீரே காரணம் என கூறப்படுகிறது.

போபால் விஷ வாயுவால் பாதிக்கப்பட்ட மக்களுக்கு சுத்தமான குடிநீர் வழங்க கடந்த 2006ம் ஆண்டில் பிரதமர் ரூ.14 கோடி ஒதுக்கினார். மத்தியப் பிரதேச அரசின் ஆண்டறிக்கையில், விஷ வாயுவால் பாதிக்கப்பட்ட மக்களின் மறுவாழ்வுக்கு கடந்த ஆண்டில் ரூ.531 கோடி செலவிடப்பட்டதாக கூறப்பட்டுள்ளது. இதில் மருத்துவத்துக்கு ரூ.384 கோடி செலவிடப்பட்டதாக கூறப்பட்டுள்ளது. ஆனால், இப்பகுதி மக்களுக்கு சுத்தமான குடிநீர் கிடைக்க எந்த நடவடிக்கையும் எடுக்கப்படவில்லை. நச்சுத்தன்மை இருக்கிறது என ஆதாரங்கள் மூலம் நிருபித்தும், போபால் நிலத்தடி நீர் நச்சுத்தன்மையுடன் இல்லை என மத்தியப் பிரதேசத்தில் ஆட்சிக்கு வரும் அரசுகள் தொடர்ந்து கூறிவருகின்றன.

கடவுளே மனிதன் சுயநலமாக தனக்குன்னு மக்களிடம் அடிச்ச பணத்தில் இருந்து செலவு செய்ய சொல்ல்லை ஆனால் கவர்ன்மெண்ட் கொடுத்த பணத்தையாவது இந்த மக்களுக்கு குடிநீர் சுத்தமானதை வழங்க கூடாதா

மஞ்சுபாஷிணி wrote:கடவுளே மனிதன் சுயநலமாக தனக்குன்னு மக்களிடம் அடிச்ச பணத்தில் இருந்து செலவு செய்ய சொல்ல்லை ஆனால் கவர்ன்மெண்ட் கொடுத்த பணத்தையாவது இந்த மக்களுக்கு குடிநீர் சுத்தமானதை வழங்க கூடாதா