கர்ப்பமாகும் காலத்தை அறிவது எப்படி?

ஒரு பெண்ணுக்கு முட்டை வெளியான பிறகு கருத்தரிக்க அதிக வாய்ப்பிருக் கிறது. கருமுட்டையானது சினைப்பையிலிருந்து வெளியான 24 மணி நேரம் வரை உயிரோடு இருக்கும். நீங்கள் கருத்தரிக்க வேண்டுமானால் இந்த 24 மணி நேரத்தில் அது உயிரணுவுடன் சேர்ந்து விட வேண்டும். அவ்வாறே உயிரணுவா னது 48 முதல் 72 மணி நேரம் வரை உயிரோடு இருக்கும். ஆகவே, முட்டை வெளியாகும் இந்த நேரத்தில் உறவு ஏற்பட்டால் உயிரணுவானது பெல்லோபியன் குழாய்க்கும் பயணம் செய்து முட்டையை சந்திக்க வழியிருக்கிறது.

முட்டை வெளியாவதை எப்படி கண்டுபிடிப்பது?

முட்டை வெளியாவதை கண்டுபிடிக்க சில முறைகள் உள்ளன. அவற்றுள் காலண்டர் முறை, வெப்ப முறை, சளிச்சுரப்பு முறை ஆகியவை மிக முக்கியமானவை.

1. மாதாந்திர சுழற்சி ஒழுங்காக (28 நாட்களுக்கு ஒரு முறை) இருந்தால், அடுத்த மாத விலக்கு எப்போது வரப் போகிறது என்பதைக் கணக்கிடுங்கள். இதே வழியில் முட்டை எப்போது வெளியாகும் என்பதை நிர்ணயம் செய்யலாம். முதலாவது நீங்கள் உங்களுடைய மாதாந்திரப் போக்கு எப்படி இருக்கிறது என்பதை தெரிந்துகொள்ள வேண்டும்.

ஒவ்வொரு மாதமும் விலக்கைப் பற்றி தெரிந்துகொள்ள பதிவேடு ஒன்றைப் பயன்படுத்தி அதில் குறித்துக்கொள்ளுங்கள். மாதந்தோறும், விலக்காகும் முதல் நாளை அதில் குறித்து வைத்துக்கொள்ளுங்கள். இவ்வாறு பல மாதங்களுக்குத் தொடர்ந்து குறித்துவர வேண்டும்.

இப்போது ஒரு மாதவிலக்கின் முதல் நாளிலிருந்து, அடுத்த விலக்கின் முதல் நாள் வரை உங்கள் மாதாந்திரப் போக்கின் கால அளவு எவ்வாறு இருக்கிறது என்பதை பதிவேட்டிலிருந்து நாட்களை எண்ணிப் பார்த்து தெரிந்துகொள்ளலாம்.
உங்களுக்கு ஒழுங்கான மாத விலக்கானால், ஒவ்வொரு விலக்குக்கும் இடையேயான நாட்களின் எண்ணிக்கை ஒரே மாதிரியாக இருக்கும். ஆனால் தேதி மாறிவந்தால் மாதப்போக்கில் ஒழுங்கற்ற நிலை இருக்கிறது என்பதை தெரிந்து கொள்ளலாம்.

நீங்கள் வேறு முறைகளான வெப்ப நிலையைக் கணக்கிடுதல் அல்லது சளிப் பரிசோதனை போன்றவற்றை கையாண்டு முட்டை வெளியாகும் நாளைக் கண்டு பிடிக்கலாம்.

பெரும்பாலான பெண்களிடையே மாதாந்திரச் சுழற்சிக் காலத்தின் அளவு வேறுபடுகிறது. இன்னும் பெரும்பாலான பெண்களுக்கு அடுத்த மாதவிலக்கா வதற்கு பதினான்கு நாட்களுக்கு முன்பு முட்டை வெளியாகிறது. அடுத்த மாதம் மாதவிலக்காகும்போது முதல் நாளிலிருந்து பதினான்கு நாட்களையும் எண்ணிக்கொள்ளலாம், அல்லது மாத விலக்கானதற்கு முன்புள்ள பதினான்கு நாட்களை எண்ணிப்பாருங்கள். அந்த சமயத்தில் முட்டை உருவாகியிருக்கும் என்பதை அடுத்த மாதம் குறித்துக் கொள்ளுங்கள்.

வெப்ப முறை

உங்களுக்கு முட்டை வெளியான பிறகு, உங்களுடைய உடல் வெப்பம் சற்று குறைந்து, மீண்டும் அதிகரிக்கும். எனவே, உங்கள் உடல் வெப்பநிலையை பதிவுசெய்து வைத்துக்கொள்வது கூட, எப்போது முட்டை வெளியாகிறது என் பதை தெரிந்துகொள்ளும் இன்னொரு வழியாகும்.

நீங்கள் கருத்தரிப்பதில் சிரமம் ஏற்பட்டால், வெப்ப நிலையை அறிவதற்கான சார்ட் பயன்படுத்தலாம். இதன் மூலம் முட்டை எப்போது வெளியானது என்பதை அறிந்துகொள்ள இயலுவ தோடு, முட்டை வெளியாகியிருக்கிறதா என்பதையும் தெரிந்து கொள்ளலாம்.

1. மாதவிலக்கான முதல் நாளில் முதல் வேளையாக காலையிலேயே உங்கள் உடல் வெப்பநிலையை குறித்துக் கொள்ளலாம். இதற்காக பிரத்யேகமாக உள்ள கருவாக்க தெர்மா மீட்டரை வாங்கிப் பயன்படுத்தலாம். இதை வாயில் ஓரிரு நிமிடங்கள் வரை வைத்திருந்து உங்கள் உடல் வெப்பத்தை அறியலாம். இதை எவ்வாறு பயன்படுத்துவது என்பதை மருத்துவர் கற்பிப்பார்.

2. வரைபட வடிவத்தில் ஒவ்வொரு நாளும் உங்களுடைய உடல் வெப்ப நிலை அளவீட்டை குறித்து வாருங்கள். அடுத்த மாதவிலக்கு காலத்தின் முதல் நாளில்; புதிய வரைபடத்தைப் பயன்படுத்துங்கள்.

உங்கள் மாதவிலக்கு தொடங்கிய பதினான்கு நாட்களுக்கு முன்பே இதை கவனித்து வாருங்கள். உங்களுடைய வெப்பநிலை கொஞ்சம் குறைந்து பிறகு கூடியிருப்பது பதிவாகியிருக்கும். உங்களுடைய வெப்பநிலை உயர்ந்த பொழுது, நீங்கள் ஏற்கனவே முட்டையை வெளியிட்டிருக்கிறீர்களா என்பதை அறிந்து கொள்ளலாம்.

முட்டையானது பெல்லோபியன் குழாயில் 24 மணி நேரம் வரை உயிர் வாழும் என்பதால் இந்த நேரத்தில் உடலுறவு கொண்டால் நீங்கள் கருத்தரிக்க வாய்ப்பிருக்கிறது.

சளிச்சுரப்பு முறை

முட்டை வெளியாவதற்கு சற்று முன்பு, கருப்பை வாயைச் சுற்றியுள்ள சளிச் சுரப்பானது மெலிவடைந்திருக்கும். ஆகவே, இதன் வழியாக உயிரணு சுலபமாக நீந்திச் செல்ல முடியும். சிலருக்கு உள்ளாடை நனையும் அளவுக்கு இச்சுரப்பு அதிகமாக இருக்கும். மாத விலக்கின் மையப் பகுதியில் பிறப்புறுப்பைச் சுற்றி அதிக ஈரமாக இருப்பதை சில பெண்கள் கவனிப்பார்கள். வேறு சிலருக்கு பசை போன்ற திரவம் சுரக்கும். இவை இரண்டுமே முட்டை வெளியாவதற்கான அடையாளங்களாகும். கழிப்பறைக்குச் செல்லும் ஒவ்வொரு முறையும் பிறப்புறுப்பின் வாய்ப்பகுதியை நேர்த்தியாகத் துடையுங்கள்.

முட்டை வெளியாகும் நாளில் உங்களுக்கு அதிகமாக சளிச்சுரப்பு ஏற்படு வதையும், அதிகமாக ஈரமாவதையும் உணர்வீர்கள். துவக்கத்தில் இந்த மாற்றங்களை அடையாளம் காண்பது கடினமாக இருக்கும். நீங்கள் அதிக சிரத்தையுடன் கவனித்து வந்தால், இதைப் பின்பற்றுவது எளிதாக இருக்கும்.

ரொம்ப நன்றி