கீதை சொல்லும் உபதேசம்

by **சிவா** Tue Oct 07, 2008 10:38 am

சாஸ்திரீய முறைப்படி செய்யும் காரியம் நிறைவு பெற்றிருக்கும். அவ்விதம் தார்மீக வழியில் தவறாது செய்யும் காரியம் கர்ம சிரத்தை எனப்படும். சன்யாசம் பெற்றுக் கொள்பவர் உலக வாழ்க்கையையே வெறுத்து விட வேண்டும் என்ற எண்ணம் தவறானது. துறவின் அடிக்கோல் உலகத்தில் உள்ள யாவற்றையும் வெறுத்துவிட உறவினர் நண்பர்கள் யாவரிடமும் பந்துத்துவம் தேவையில்லை என்பதில்லை. ஆனால் மனதில் நான் என்ற அகங்காரம் அகற்றி அதனால் ஏற்படும் பயன் நமக்கு தேவையில்லை என்ற கொள்கை தான் ஒரு துறவிக்கு தேவை.

மகாபாரதம் யுத்தம் தர்மயுத்தம் ஏனெனில் உரிமை பெற்ற பாண்டவர்களின் சொத்துக்களை கௌரவர்கள் சுயகரித்துக் கொண்ட போதிலும் கண்ணன் தானே தூதுவனாக சென்று பாண்டவர்களின் உரிமையுள்ள சொத்துக்களில் ஐந்து இராயங்களை யாவது பங்கு கேட்ட போது அதை கொடுக்க கௌரவர்கள் மறுத்து விட்டார்கள். அதனால்தான் பாரத யுத்தம் ஏற்பட்டது. இதனால் பகவத் கீதையே ஒருவேளை கொடூரச் செயல்புரிந்து ஒரு காரியத்தை சாதகமாக முடித்துவிடலாம் என்பது போல தோன்றும்.

ஆனால் கண்ணன் யுத்தம் செய்ய விரும்புபவன் அல்ல. மற்ற நாட்டினரின் சொத்துக்களை அபகரித்துக் கொண்டுள்ளதற்கு யுத்தம் தான் சரியான முறை என்றும் பகவான் கூறவில்லை. பாண்டவர்கள் பல வழிகளில் தங்களது உடைமைகளை கோரிய போதிலும் அது அவர்களுக்கு திரும்பக் கிடைக்காததால் தான் பகவான் கண்ணனின் உதவியை நாடி யுத்தம் புரிந்து தங்களது உடைமைகளை பெற்றனர். இதுவே தர்மத்தின் வழி என்கிறது கீதை.

by **சிவா** Tue Oct 07, 2008 10:38 am

இதனால் இந்த தர்ம யுத்தத்தை ஆதரிக்கின்றது என்ற யூகம் சரியில்லை. அதற்காக தவறு செய்பவனை தண்டிக்காமல் வருவதும் தவறல்லவா? ஒருவன் தனது தேகச் செயல்களை நிறுத்தி விட்டாலும் அவனது மனம் இயங்கிக் கொண்டு தானே உள்ளது. தனக்குள்ள கடமையிலிருந்து விலகுவது என்பது தனக்குள்ள உணவை தனக்கு வேண்டாம் என்பதாகும். தான் செய்யும் கடமை, கர்மா ஆகியவற்றை கடவுளுக்கு செய்வதாக கருத வேண்டும். தான் செய்யும் காரியங்களுக்கு பலன் எதிர்ப்பலிக்காமல் இருக்க வேண்டும். சுயநலத்தை எதிர்ப்பார்க்க கூடாது. சொத்துக்கள் தேவைதான் அவ்வாறு ஒரு குறிப்பிட்ட நிலைக்கு மேல் சொத்துக்களை சேர்த்துக் கொண்டு அகங்காரம் கொண்டு மேலும் மேலும் பொருட்களை சேர்த்தால் அது அழிவுக்கு காரணமாகி விடும். இதைத்தான் கௌரவர்கள் மூலமாக நமக்கு மகாபாரதம் உணர்த்துகிறது - ஆகையால் சமயம் நேரும்போது செயலற்று நிற்பது தவறு தர்மமல்ல என்பதுதான் கண்ணனின் கீதை உபதேசமாகும்.

by சபீர் Tue May 25, 2010 6:56 pm

கண்ணனின் கீதை உபதேசம் எனக்கு ரொம்ப பிடித்துள்ளது

இப்படியான உபதேசம்கள் இன்னும் இருந்தால் தாருங்கள் சகோதரா நன்றி நன்றி கீதை சொல்லும் உபதேசம் 599303

by Sponsored content

கீதை சொல்லும் உபதேசம்

கீதை சொல்லும் உபதேசம்

Re: கீதை சொல்லும் உபதேசம்

Re: கீதை சொல்லும் உபதேசம்

Re: கீதை சொல்லும் உபதேசம்