பழங்களின் மருத்துவ குணங்கள்

தாமு · தாமு Wed Oct 14, 2009 5:49 pm

1.செவ்வாழைப்பழம் - கல்லீரல் வீக்கம், மூத்திர வியாதியை குணமாக்கும்.

2.பச்சை வாழைப்பழம் - குளிர்ச்சியை கொடுக்கும்

3.ரஸ்தாளி வாழைப்பழம் - கண்ணீற்கும், உடல் வலுவுக்கும் நல்லது.

4.பேயன் வாழைப்பழம் - வெப்பத்தைக் குறைக்கும்.

5.கற்பூர வாழைப்பழம் - கண்ணிற்குக் குளிர்ச்சி

6.நேந்திர வாழைப்பழம் - இரும்பு சத்தினை உடலுக்கு கொடுக்கும்.

7.ஆப்பிள் பழம் - வயிற்றுப் போக்கு, குன்மம், சீதபேதி, சிறுநீரகக் கோளாறுகள், இதய நோய்கள், இரத்த அழுத்தம் ஆகியவைகளுக்கு நல்லது.

8.நாவல் பழம் - நீரழிவை நீக்கும், வாய்ப்புண், வயிற்றுப் புண்ணை நீக்கும், விந்துவை கட்டும்.

9.திரட்சை - 1 வயது குழந்தைகளின் மலக்கட்டு, சளி, காய்ச்சல் குணமாக திராட்சை பழங்களைப் பிழிந்து சாறெடுத்து ஒரு தேக்கரண்டி அளவு எடுத்து தினம் 2 வேளை கொடுத்தால் இக்குறைபாடுகள் நீங்கும்

10.மஞ்சள் வழைப்பழம் - மலச்சிக்கலைப் போக்கும்.

11.மாம்பழம் - மாம்பழம் சாப்பிடுவதனால் ரத்த அழுத்தம் சீராகும். குழந்தைகளும் சாப்பிடலாம்.

12.கொய்யாப்பழம் - உடல் வளர்ச்சியும் எலும்புகள் பலமும் பெறுகின்றன. வயிற்றில் புன் இருந்தால் குணப்படுத்தும்.

13.பப்பாளி - மூல நோய், சர்க்கரை நோய், குடல் அலற்சி போன்றவைகளுக்கு சிறந்தது.

14.செர்ரி திராட்சை - கர்ப்பப்பை வியாதிகளுக்கு நல்லது.

தாமு · தாமு Wed Oct 14, 2009 5:57 pm

எலுமிச்சை எனும் அருமருந்து

அருமையான, எளிமையான பானமாக மட்டுமின்றி அரிய பல மருத்துவச் சிறப்புக்களும் எலுமிச்சைக்கு உண்டு. அழகுக்குறிப்புகளிலும் அன்றாட வாழ்க்கையின் பல உபயோகங்களிலும் இதன் பங்கு மிகமிக அதிகம். இரத்த விருத்திக்கும், உடலின் நோய் எதிர்ப்பு சக்தியை அதிகரிக்கவும் எலுமிச்சை உதவுகிறது

வயிற்றுக்கோளாறுகளுக்கு எலுமிச்சை ஒரு வரமென்றே சொல்லலாம். எலுமிச்சை சாறுடன் சிறிது உப்புச்சேர்த்து அருந்தினால் எப்பேற்பட்ட அஜீரணக்கோளாறும் நீங்கிவிடும். இதற்குக் காரணம் எலுமிச்சையிலுள்ள விட்டமின் சி ஆகும். தேயிலைச் சாறுடன், அரைமூடி எலுமிச்சையைப் பிழிந்து, இரண்டுமூன்றுமுறை அருந்திவர வயிற்றுப்போக்கு மட்டுப்படும்.

வெதுவெதுப்பான நீரில் சாறுபிழிந்து, இரண்டு சிட்டிகை மிளகுத்தூள், துளியளவு உப்பு,தேவையான சர்க்கரை சேர்த்துப்பருகினால் சளித்தொல்லைகூடக் குறையும். சர்க்கரைக்குப் பதிலாக தேன் சேர்த்துப் பருகுதல் இன்னும் சிறப்பு. எலுமிச்சைச்சாற்றுடன் இஞ்சிச்சாறும் துளி உப்பும்சேர்த்தும் கூட அருந்தலாம்.

குமட்டலுக்கு எலுமிச்சை மிக நல்லது. பேருந்துப்பயணம் ஒத்துக்கொள்ளாதவர்கள், பயணத்தின்முன்னும், பயணத்தின்போதும் எலுமிச்சைச் சாறு அருந்தினால் பயண அசௌகரியம் நீங்கும். பித்தத்துக்கும் எலுமிச்சை ரசம் மிக நல்லது.

உடல் எடையைக் குறைக்க, காலையில் வெறும்வயிற்றில், இளஞ்சூடான நீரில் அரை மூடி எலுமிச்சையைப் பிழிந்து, ஒரு தேக்கரண்டி சேர்த்து அருந்தலாம். வாய்துர்நாற்றம் தீர எலுமிச்சை கலந்த நீரில் வாய்கொப்பளித்து வந்தால் நல்ல பலன் தரும். ஆனால் தொடர்ச்சியாக அதிக அளவில் உபயோகித்தால் பல்லின் எனாமல் எனும் மேற்படலத்தைப் பாதிக்கும் என்றும் கூறுவர்.

காய்ச்சலுக்கும் எலுமிச்சைச்சாறு பயனளிக்கும். கியூபா நாட்டு மக்கள் எலுமிச்சையின் வேரினை காய்ச்சலுக்கு மருந்தாகப் பயன்படுத்துவார்கள். தேள் கடித்த இடத்தில் எலுமிச்சைச் சாற்றினைத் தடவினால் விஷம் முறியும் என்று கூறுவார்கள். இதற்குக் காரணம் அதிலுள்ள அமிலத்தன்மையாகும்.

தோலில் உள்ள காயங்கள் மற்றும் பருத்தழும்புகள் நீங்க எலுமிச்சையின் சாறினைத் தடவலாம். தலைப்பொடுகிற்கு எலுமிச்சை மிக நல்லது. குளிக்கும் நீரில் சில சொட்டுகள் எலுமிச்சைசாறு கலந்து குளித்துவர வியர்வை நாற்றம் நீங்கும்.

நன்றி மருத்துவ உலகம்