'துவாதசிக்கீரை'

**krishnaamma** · **krishnaamma** Tue Jun 15, 2010 8:03 pm

அகத்திக் கீரைக்ககுதான் இந்த பெயர். இதைப் பற்றி இந்த பகுதியில் பார்ப்போம்.

அகத்திக் கீரையில் 63 வகைச் சத்துக்கள் அடங்கியுள்ளதாக நம் பண்டையைச் சித்தர்கள் கூறியிருக்கின் றனர்.

பொதுவாக இந்தியாவிலும், குறிப்பாகத் தென்னாட்டிலும் விரதம் இருப்பது ஒரு கோட்பாடாக கைகொள்ள்ப்பட்டு வருகிறது. இவ்வாறு விரதம் இருந்து முடிப்பவர்கள் உண்ணும் உணவில், முதல் ஒரு கைப்பிடி அளவிலேயே நூறுவிதச் சத்துக்கள் அடங்கிய உணவை உண்ண வேண்டும் என் று வைத்திய நூல்கள் குறிப்பிடுகின்றன.

ஒரு கைப்பிடி உணவில் நூறுவிதச் சத்துக்களை பெறும் வழியை மருத்துவ நூல்கள் கீழ்க்கண்டவாறு குறிப்பிடுகின்றன.

1. அகத்திக் கீரை - 63 சத்துக்கள்

2. சுண்டைக்காய் - 20 சத்துக்கள்

3. வாழைக்காய் - 5 சத்துக்கள்

4. கொத்தவரை - 1 சத்து

5. அரிசிச் சாதம் - 1 சத்து

6. பருப்பு - 3 சத்து

7. நெய் - 7 சத்து

ஆக மொத்தம் - 100 சத்துக்கள்

**krishnaamma** · **krishnaamma** Tue Jun 15, 2010 8:04 pm

இந்த 7 உணவுப் பொருட்களிலும் நூறுவிதச் சத்துக்களும் அடங்கி விட்டதைக் காணலாம்.

அகத்திக் கீரை முதல் கீரையாக நின்று அறுபத்து மூன்று வகைசத்துக்களைப் பெற்று விள்ங்குவதைக் காணலாம்.

அந்த அளவு எல்லா

சத்துக்களும் பெற்ற கீரை இது.

15 நாட்களுக்கு ஒரு முறை

சாப்பிட்டால் போறும்.

துவாதசி அன்று சாப்பிடும் கீரை.

அதனால் தான் 'துவாதசிக்கீரை'

என்ற பெயரும் பெற்றது.

(ஏகாதசி விரதம் முடித்து, துவாதசி அன்று அகத்தி

கீரையும், நெல்லிப் பச்சடியும் சாப்பிடுவார்கள்.)

மேலும் இது, வெப்பத்தை தணிக்கும், உள் சூட்டை

அகற்றும்.

அனைத்து வகையான சத்துகளையும் உடைய இந்த

கீரைதான், குடல், குருதியை தூய்மைப் படுத்தும்.

குடற்புழுவை கொல்லும், பித்தத்தை தணிக்கும்.

தலைச்சுற்று, மயக்கம் ஆகியவற்றைப் போக்கும்.

உடலில் எந்த வகையில் விஷம் சேர்ந்திருந்தாலும் அதை

முறிக்கும் தன்மை இதற்குண்டு.

உடல் சூடு தணிந்து, கண்கள் குளிர்ச்சி பெறும்.

இன்னும் சொல்லிக் கொண்டே போகலாம்.

எனவே, மாதம் இரு முறை இக்கீரை யை உணவில் சேர்த்து வாருங்கள்.

balakarthik · balakarthik Tue Jun 15, 2010 8:11 pm

இதுவும் எனக்கு மிகவும் பிதித்த கீரைதான் அதிலும் இதை என் அம்மா மிக அருமையாக பொரியல் செய்வார்கள்.
ஆனால் இதை சாபிட்டால் மந்தமான நிலை ஏற்படும் என்று சொல்கிறார்களே அது உண்மையா

**krishnaamma** · **krishnaamma** Tue Jun 15, 2010 8:16 pm

balakarthik wrote:இதுவும் எனக்கு மிகவும் பிதித்த கீரைதான் அதிலும் இதை என் அம்மா மிக அருமையாக பொரியல் செய்வார்கள்.
ஆனால் இதை சாபிட்டால் மந்தமான நிலை ஏற்படும் என்று சொல்கிறார்களே அது உண்மையா

ஆமாம், துவர்ப்பு சுவை கொஞ்சம் மந்தத்தை தரும். ஆனால் ரொம்ப நல்லது. எங்கம்மாவும் துவாதசி அன்று செய்வார்கள் , அருமையாக இருக்கும்.

**Aathira** · **Aathira** Tue Jun 15, 2010 8:21 pm

நல்ல பகிர்வு... ஏகாதசி அன்று முழுப்பட்டினி இருப்பார்கள். மறுநாள் வயிற்றில் புண் ஏற்பாடமல் இருக்க காய்ந்த வய்ற்றை குளிரச்செய்ய இதைச் சாப்பிடுவார்கள்.. நன்றி கிருஷ்ணம்மா.. 'துவாதசிக்கீரை' 678642

**krishnaamma** · **krishnaamma** Tue Jun 15, 2010 8:28 pm

Aathira wrote:நல்ல பகிர்வு... ஏகாதசி அன்று முழுப்பட்டினி இருப்பார்கள். மறுநாள் வயிற்றில் புண் ஏற்பாடமல் இருக்க காய்ந்த வய்ற்றை குளிரச்செய்ய இதைச் சாப்பிடுவார்கள்.. நன்றி கிருஷ்ணம்மா..

நீங்கள் சொல்வது ரொம்ப சரி ஆதிரா புன்னகை

அல்சருக்கு கூட இந்த கீரை ரொம்ப நல்லது.

Sponsored content · Sponsored content

'துவாதசிக்கீரை'

'துவாதசிக்கீரை'

Re: 'துவாதசிக்கீரை'

Re: 'துவாதசிக்கீரை'

Re: 'துவாதசிக்கீரை'

Re: 'துவாதசிக்கீரை'

Re: 'துவாதசிக்கீரை'

Re: 'துவாதசிக்கீரை'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக