மணத்தக்காளி

by **krishnaamma** Tue Jun 15, 2010 7:56 pm

தினமும் உணவுடன் சேர்க்க வேண்டிய கீரை வகை-களில் மணத்தக்காளியும் ஒன்று.

குடல் புண்ணை ஆற்றுவதில் முதன்மையானது, குடலுக்கு பலமளிப்பது, பெண்மையை வளர்ப்பது, மங்கையருக்கு மார்பை வளரச்செய்வது, கருப்பை குறைப்பாட்டை நீக்குவது, குடற்புழுவை அகற்றுவது.

இதில் வைட்டமின் ஏ, பி, அதிக அளவில் உள்ளது.

B காம்ப்ளெக்ஸ் அதிக அளவில் இருப்பதால் வாய்ப்புண், வயிற்றுப் புண் குணமாகும்.

வயிற்றில் புண்,வாயில் புண் உள்ளவர்கள் தொடர்ந்து 2 நாட்கள் சாப்பிட்டால் சீக்கிரம் குணம் தெரியும்.

உடலின் சூட்டை தணித்து, உடலின் உள் உறுப்புகளில் புண் இருந்தால் அடிக்கடி சாப்பிட்டால் நன்கு குணம் அடையும்.

வயிற்றில் பூச்சிகள் வராது தடுக்கும் ஆற்றல் இந்த கீரைக்குமட்டும்தான் உண்டு.

இந்த கீரையை வாயில் புண் உள்ளவர்கள், ஒரு பிடி கீரையை வாயில் போட்டு நன்கு மென்று சாற்றை மட்டும் விழுங்க வேண்டும்.

தொடர்ந்து 2 நாட்கள் சாப்பிட்டால், வாய்ப் புண் குணமாகும்.

by **krishnaamma** Tue Jun 15, 2010 7:57 pm

அதிக அளவில் நீர் விட்டு சுண்டக் காய்ச்சி, மிளகு, சீரகம், உப்பு சேர்த்து எண்ணெய் விட்டு தாளித்துக் குழம்பு செய்யலாம்.

பருப்புடன் சேர்த்து கூட்டு வைக்கலாம்.

பொரியலாகச் செய்து சாப்பிடலாம்.

சாம்பார் செய்யும் போதும் அதில் பயன்படுத்தலாம்.

இப்படிப் பயன்படுத்தும்போது, கீரை சாப்பிடப் பிடிக்காத குழந்தைகளும் விரும்பிச் சாப்பிடுவார்கள்.
மணத்தக்காளியில் நிறைய உயிர்ச் சத்துக்களும், புரதச் சத்துக்களும், இரும்புச் சத்தும் உண்டு.

இந்தக் கீரை-யில் தக்காளி வடிவில் சிறிய அளவில் மணி மணியாகக் காய்-கள் இருப்பதால் மணித்தக்காளி என்றும் அழைக்கப்படு-கிறது.

இந்தக் காயுடன் கீரையையும் பச்சைப் பருப்பையும் கலந்து உண்டு-வந்தால், உடல் சூடு குறையும்.

மூலச் சூட்டைத் தணிக்கும் ஆற்றலும் இதற்கு உண்டு.

சித்த மருத்துவத்தில் குடல் புண்களைக் குணப்படுத்துவதில் மணத்தக்காளிக்கு முக்கிய இடம் உண்டு.

மணத்தக்காளிக் கீரையில் உடல் நலத்துக்கான சத்துக்கள் நிறைய இருக்கின்றன.

அதனால், குழந்தைகளுக்கு சிறு வயதிலிருந்து வாரம் ஒருமுறையாவது இந்தக் கீரையைச் சாப்பிடப் பழக்கப்படுத்துவது நல்லது.

மணத்தக்காளிக் காயை வற்றலாக போட்டும் குழம்பு வைக்கும் பழக்கம் உண்டு.

மேலும், வற்றலை வறுத்து பொடித்து சாதத்துடன் கலந்து சாப்பிட, பேதி நிற்கும்.

வறுத்த வற்றலை மோர் சாதத்துடன் சாப்பிட சுவையாய் இருக்கும்.