தமிழுக்கு அமுதென்று பேர்...! போட்டிக்கவிதை எண் 016

by **சிவா** Tue 15 Jun 2010 - 13:11

போட்டிக்கவிதை எண் 016

தமிழுக்கு அமுதென்று பேர்...!

அழிவிலாத் தமிழே, குறுமுனி ஈன்ற
குழவியே, குன்றா இளமையொடு, ஆழம்நிறை
மொழியின் இருநூற்று நாற்பத்தே ழெத்தில்
அழகான 'ழகரத்தில்' திகழ்பவளே.

ஏடுகளில் ஏற்றம் பெற்றாய் அன்று.
நாடுபல கடந்தும் உன்னை நாடுவோர்க்கு
அன்பினைப் பொழியும் தாயாய்க் காத்து,
இன்புறச் செய்து மகிழ்பவளே.

மொழியும் போதும், மொழிந்த பின்னும்
எழில் கூட்டிய உள்ளங்கள் எழுச்சியிலே;
பாடுபட்டு உழைக்கும் உழவனின் நிலம்
மிடுக்காய் விளைவது போலன்றோ?

தாய் வழி வந்த அன்னையே!
தோய்ந்த தேன்கனிச் சுவையை ஓயாமல்
உண்ணும் இச்சேய்கள், பார்மொழி இதுவெனப்
பண்ணுவோம்; வாழ்த்தி வழிநடத்து.

by கலைவேந்தன் Tue 15 Jun 2010 - 13:29

தமிழைப் போற்றும் அழகான கவிதை...வாழ்த்துகள்...!

by மஞ்சுபாஷிணி Tue 15 Jun 2010 - 15:04

தமிழை இத்தனை அழகாய் வர்ணித்து எழுதியது சிறப்பு...

அன்பு பாராட்டுக்கள் நண்பரே...

by mohan-தாஸ் Tue 15 Jun 2010 - 15:10

தமிழ் பற்றி சிறப்பாக கவி பாடிய உங்களுக்கு பாராட்டுக்கள்

by puthuvaipraba Tue 27 Jul 2010 - 0:48

வாழ்த்துகள்.அழகான தமிழ் கவிதை .

by Ganesh1 Fri 6 Aug 2010 - 17:26

இருநூற்று நாற்பத்தே ழெத்தில்

2 2
16 (-) 3 = 247 ஒரு கணக்கில் [You must be registered and logged in to see this image.]

sixteen square minus three square