ஹீரோயின் பேசிய ரஜினி டயலாக்!

இப்பல்லாம் நியூஸ்லாந்தில் இரண்டு டிகிரி குளிர் தெரியுமா என்று உத்ரா பேசுவதை கேட்டுவிட்டு மனசில் குளிரடிக்காம இருந்தா அவருக்கு 55 வயசுக்கு மேலேன்னு அர்த்தம்!
நியூஸ்லாந்தில் வசிக்கும் தமிழ் பெண்ணான உத்ரா, கொறச்சு கொறச்சு தமிழ் பேசும் மலையாள நடிகைகளை பீட் பண்ணும் நேரம் வந்தாச்சு. அரிது அரிது படத்தின் நாயகி இவர்தான். இப்படத்தின் பாடல் வெளியீட்டு விழாவில் உத்ரா பேசியதை கேட்பவர்களுக்கு சட்டென்று புரிந்திருக்கும். ம்... அவர் ஒரு ரஜினி ரசிகை.

'இந்த படத்தில் தமணின் இசையில் வரும் பாடல்களை ஒரு தடவ கேட்டா நீங்க நு£று தடவை கேட்ட மாதிரி' என்றார் பலத்த கைத்தட்டல்களுக்கு இடையில். சென்னை ரொம்ப பிடிச்சிருக்கு. இதுக்கு முன்னாடி சின்ன வயசில ஒரு தடவ இங்க வந்திருக்கேன். புடவை கட்ற வயசில வர்றது இப்போதான். இனிமே இங்கியே தங்கிடாம்னு நினைக்கிறேன். அதுக்கு ரசிகர்கள்தான் மனசு வைக்கணும் என்று அழகு தமிழில் போட்டு தாக்கினார் உத்ரா.

படத்தின் ஹீரோ ஹரிஸ் கல்யாண் ஃபைவ் ஸ்டார் ஆடியோ நிறுவன அதிபர்களில் ஒருவரான கல்யாணின் மகன். அவருக்கு தெரியாத சினிமா சூட்சுமமா? இந்த படம் ஓடும்னு சரியான கணிப்போடதான் ஒவ்வொரு படத்தையும் வாங்குவார். சமீபத்தில் அவர் வாங்கிய படம் நாடோடிகள். அவர் தன் மகனை அறிமுகப்படுத்துகிற போது சரியான கதையைதான் தேர்ந்தெடுந்திருப்பார் என்று பாராட்டினார் விநியோகஸ்தர் சங்க தலைவர் கலைப்புலி சேகரன்.

படத்தின் இயக்குனர் மதிவாணன் டைரக்டர் ஷங்கரோட அசிஸ்டென்ட். முதல்வன் தொடங்கி, சிவாஜி வரைக்கும் வொர்க் பண்ணியிருக்கிறாராம். ஒரு டைரக்டர் செட்ல இருக்கும் போது எந்த அசிஸ்டென்ட் பேரை அடிக்கடி சொல்லி கூப்பிடுறாரோ, அவர்தான் அந்த யூனிட்ல பெஸ்ட் அசிஸ்டென்ட் டைரக்டரா இருக்க முடியும். நான் படப்பிடிப்புல மதி மதின்னு கூப்பிட்டுக்கிட்டே இருப்பேன் என்றார் ஷங்கர். இப்போது கூட எந்திரன் படத்திற்காக சில குறிப்பிட்ட காட்சிகளுக்கு மதியோட ஒத்துழைப்பு தேவையா இருந்திச்சு. கொஞ்சம் வந்து செஞ்சு கொடுத்திட்டு போன்னு கூப்பிட்டேன். அவர் படம் இயக்கிக் கொண்டிருந்தாலும் எனக்காக வந்து நான் கேட்டதை செஞ்சு கொடுத்திட்டு போனாரு என்று ஷங்கரும் மதிவாணனுக்கு வெரிகுட் சர்டிபிகேட் கொடுத்தார் அதே மேடையில்.

ஒரு பக்கம் கோடிக்கணக்கில் பணம். இன்னொரு பக்கம் ஷங்கர் சார். எது வேணும்னு எங்கிட்ட கேட்டா நான் ஷங்கர் சார் பக்கம் ஓடிடுவேன் என்று பாசத்தோடு சொல்லி, ஷங்கரையும் உருக வைத்தார் புது இயக்குனர் மதிவாணன்.