அடங்கி வாழும் பெண்ணினம்..ஆர்ப்பரிக்கும் ஆண்குணம்! போட்டிக்கவிதை எண் : 010

by **சிவா** Mon Jun 14, 2010 8:00 pm

போட்டிக்கவிதை எண் : 010

அடங்கி வாழும் பெண்ணினம்..ஆர்ப்பரிக்கும் ஆண்குணம்!

ஆணால் ஆணைப்பெற்ற
பெண்ணானவள்
அற்புதப்படைப்பின்
அகிலம் வெண்றவள்

இன்பத்தின் உறைவிடம்
பாசத்தின் விழைநிலம்
பெண ஈர்ப்புவிசை
விதிகளின் இறுதிநிலை

ஆணையே ஏந்தும் அகிலமிவள்
பெண் இன்றிய உலகமும்
பெண் அற்ற உறவும்
வறண்ட நிலத்தில் விதைப்பதுபோல்

எல்லாமே பெண்ணாக இருந்தும்
அவள் கொண்ட அருங் குணத்தில்
ஆணுக்கு வழிவிட்டு
பின்னே இவள் நடக்கிறாள்

மதிப்பிற்குரியவளை
மார்தட்டும் சிறந்தவளை
சம அந்தஸ்தேனும்
மறுக்கின்ற ஆண்குணம்

பெண் என்றால் பணிவிடைக்கும்
தன்தேவை நிறைவுக்கும்
தயங்காமல் தட்டிப்பணிக்கும்
தயவற்ற ஆண்குணங்கள்

பெண்குலம் போற்றவேனும்
பெண்மனம் குளிரச்செய்ய
ஆர்ப்பரிக்கும் குணம்தவிர்த்து
உன்னாலானமட்டும்
ஒவ்வாமை நாடாதிரு

by மஞ்சுபாஷிணி Mon Jun 14, 2010 8:11 pm

பெண்சக்தி மிகப்பெரிய சக்தி என்று சொல்லி ஆணுக்கு பெண் சமம் என்று சொல்லி பெண்ணுக்குண்டான பெருமைகளை மிக அழகாய் வரிசைப்படுத்திய நண்பருக்கு அன்பு பாராட்டுக்கள்....

by கலைவேந்தன் Mon Jun 14, 2010 9:19 pm

சற்றே பிழைகள் தவிர்த்திருந்தால் இன்னும் சிறந்திருக்கும் ... பெண்ணினத்தின் மேன்மை கூறும் விதம் அருமை... வாழ்த்துகள்...!

by சம்சுதீன் Mon Jun 14, 2010 10:27 pm

பெண் என்றால் பணிவிடைக்கும்
தன்தேவை நிறைவுக்கும்
தயங்காமல்
தட்டிப்பணிக்கும்
தயவற்ற ஆண்குணங்கள்

கவிஞரே இந்த வரிகளில் நான் இல்லை. பெண்ணை போற்றும் விதம் அழகு தலைபில் நிற்கிறீகள் வாழ்த்துகள்