மகளுக்கு செய்வினை வைத்ததாக நினைத்து பெண் மந்திரவாதியை கொன்ற தொழிலாளி

ரபீக் · ரபீக் Mon Jun 14, 2010 6:39 pm

கரீம்நகர் மாவட்டம் கேசவ்பூர் கிராமத்தை சேர்ந்தவர் சீனிவாஸ் (28). தொழிலாளி. இவரது மகள் பிரக்ஞா (5). கடந்த 6 மாதங்களாக பிரக்ஞா நோய் வாய்ப்பட்டு படுத்த படுக்கையாக இருக்கிறாள்.

சீனிவாஸ், மகளை பல ஆஸ்பத்திரிகளுக்கு அழைத்துச் சென்று சிகிச்சை அளித்தார். ஆனாலும் நோய் தீரவில்லை. இதனால் தன் மகளுக்கு யாரோ செய்வினை வைத்து விட்டதாக சீனிவாஸ் நம்பினார். பல மந்திரவாதிகளை அழைத்து வந்து பூஜைகள் செய்தார்.

அப்போது பத்ரிநாத சுவாமி என்ற மந்திரவாதி, எதிர்வீட்டு பெண் மந்திரவாதியான கலம்மாதான் செய்வினை வைத்து பிரக்ஞாவை கொடுமைப்படுத்துவதாக கூறினார். இதை நம்பிய சீனிவாஸ், கலம்மா மீது ஆத்திரம் அடைந்தார்.

தன் உறவினர்களுடன் சென்று கலம்மாவையும், அவரது குடும்பத்தினரையும் தாக்கினார். இருந்தும் கோபம் தனியாத அவர், கலம்மாவை கோடாரியால் வெட்டி கொடூரமாக கொலை செய்தார். 6 முறை வெட்டி உடலை துண்டாக்கினார்.

பின்னர் அவரே சென்று போலீஸ் நிலையத்தில் சரண் அடைந்தார். போலீசார் கலம்மாவின் உடலை கைப்பற்றி விசாரித்து வருகின்றனர்.

balakarthik · balakarthik Mon Jun 14, 2010 7:02 pm

ஒ இது தான் சொந்த செலவுல சூன்யம் வச்சுக்கரதேன்பதோ

மஞ்சுபாஷிணி · மஞ்சுபாஷிணி Mon Jun 14, 2010 7:19 pm

என்ன கொடுமை இது.... குழந்தைக்கு உடம்பு சரியில்லன்னா ஹாஸ்பிடல் போவதைவிடுத்து எவரோ சொன்னார்னு யாரையோ கொன்னு இப்ப என்னாச்சு குழந்தை அனாதையாயாச்சு அப்பா ஜெயிலுக்கு போயாச்சு சோகம்