எல்லாமே நீ! என் இனியவளே!

by **சிவா** Wed Jul 08, 2009 4:04 pm

First topic message reminder :

இயற்கைத் தேன் தரும்
அதிசய மலர் நீ

என்னை உருக்கி உனக்குள்
கருவாக்கும் ஒரு புதிய படைப்பும் நீ

பூவிற்கெல்லாம் நாணம் கொடுக்கும்
அழகிய பூமகள் நீ

பல லட்சம் தாரகைகளிற்கு
ஒளிகொடுக்கும் அழகிய வெண்ணிலா நீ

செல்லமாய் வருடிடும் தென்றலும் நீ
இயற்கையின் சீற்றம் நீ
இளமையின் ரகசியம் நீ
இரவின் ஓளி மழை நீ
என்தன் இரகசிய உணர்ச்சியும் நீ
என் கனவின் முகவரி நீ

எனக்குள் விளைந்து
உன்னை வெளிச்சமாக்கும்
வித்தியாசமான தீபம் நீ

இரவுகளெல்லாம் எனை வாட்ட
நினைவுகளெல்லாம் என்னோடு தர்க்கம் புரிய
கனவுக்கு அழைப்பிதழ்கொடுத்து
உன்னுடன் தினம் தினம் சல்லாபம் செய்கின்றேனடி !
இப்பாலைவனபூமியில் என் குளிர்காற்று நீ

வினாவாகும் என் பருவத்தின் விடை நீ
விரல் தொட்டால் விரிகின்ற பெண் பூ நீ
தேன் குடிக்க இதழ்தந்த பாரியும் நீ
என்னை காமனாக்கும் காரிகையும் நீ
எல்லாமே நீ எதிலும் நீ
என் கவிதையின் கருப்பொருள் நீ
என் காதலிற்கு உயிர் கொடுத்தவளும் நீ

எல்லாமே நீ! என் இனியவளே!