அதிமுக மகளிர் அணியின் சாதாரண பெண் கூட குஷ்புவை தோற்கடிப்பார்

ரபீக் · ரபீக் Mon Jun 14, 2010 6:42 am

அம்மா அனுமதி அளித்தால், அதிமுக மகளிர் அணியில் உள்ள சாதாரண பெண் கூட குஷ்புவை தோற்கடித்து விடுவார் என்று கூறியுள்ளார் அதிமுக அமைப்புச் செயலாளரும், முன்னாள் அமைச்சருமான பா. வளர்மதி கூறியுள்ளார்.

சென்னை பெரம்பூரில் வடசென்னை மாவட்ட அதிமுக சார்பாக பொதுக்கூட்டம் நடந்தது. இதி்ல் வளர்மதி பேசுகையில், மும்பையைச் சேர்ந்த நடிகை குஷ்பு திராவிடம் பற்றி பேசுகிறார். புரட்சித் தலைவியை எதிர்த்து தேர்தலில் போட்டியிடப் போவதாக கூறியுள்ளார்.

குஷ்பு, தான் சேர்ந்த இயக்கத்தை சந்தோஷப்படுத்த வேண்டுமானால் இது போன்று பேசலாம். ஆனால், அதிமுக மகளிர் அணி பட்டாளத்தில் உள்ள சாதாரண ஒரு பெண்மணி கூட அம்மா அனுமதி அளித்தால் களத்தில் இறங்கி குஷ்புவை தோற்கடித்து விடுவார் என்றார்.