பிரியாத வரமொன்று வேண்டும்...! போட்டிக்கவிதை எண் : 002

by **சிவா** Sun Jun 13, 2010 8:56 pm

போட்டிக்கவிதை எண் : 002

பிரியாத வரமொன்று வேண்டும்...!

உயிரானவளே என்
உறவானவளே
உன்னுள் என்னை
உருவாக்கியவளே

பஞ்சணையில் ததும்பி
பலரசம் கலந்து
பார் மறந்த
பாவையாக்கியவளே...

நான் திகைத்த அமுதம் நீ
நாவூறும் கனிரசமும் நீ
நாளுக்கு நாள் எனைமறந்து
நான் ரசிக்கும் உலகமும் நீ

உன் காதலில் திழைத்து
உலகை மறந்து லயித்த என்னால்
உனைப்பிரியும் வாழ்வு
உணர்வற்ற ஜடமாகுமே....

மடிகின்ற நொடியோ
மாறுகின்ற நிலையோ
குன்றும் வயதோ..
குழி பறிக்கும் விதியோ...

எம் பிணைப்பில்
ஏங்குகின்ற இவைகள்
எக்காலத்தும் பிரித்திடா
ஏற்றம் கொண்டு

வாழ்வோ சாவோ..
வாசமோ துறவோ.
இன்பமோ துன்பமோ
இணைபிரியா நிலைவேண்டும்

by மஞ்சுபாஷிணி Sun Jun 13, 2010 9:02 pm

பிரியாத நிலை வேண்டி
இருவரும் ஒன்றாய் இணைந்திருக்க
இயற்றிய அருமையான வரிகள்

இருந்தாலும் இல்லாமல் போனாலும்
இணைந்தே இருப்போம்
இணைந்தே மரிப்போம்

என்ற இந்த வரிகள் மிக அழகு...

மெருகேறுகிறதே கவிதை எழுதிய நண்பருக்கு என் அன்பு பாராட்டுகள்...

by கலைவேந்தன் Sun Jun 13, 2010 9:02 pm

மனதைத் தொடும் அருமையான வரிகள்...எழுதியவருக்கு வாழ்த்துகள்...!

by சம்சுதீன் Mon Jun 14, 2010 12:09 am

இருவரும் இணைந்தே வாழ்வோம் என்று அன்பு கலந்து இன்பமாய் பருமாரிய கவிதை வரிகள் அருமை நண்பரே வாழ்த்துகள் மனதை தொட்டு உடல் சிளிர்க்க வைத்த உமக்கு என் வாழ்த்துகள்.