கண்ணீரைத் துடைக்க இன்று அப்பாவும் இல்லை

by kavinele Sun Jun 13, 2010 4:29 pm

First topic message reminder :

அப்பா...

எப்படி எப்படி
எல்லாமோ
தன் பாசம்
உணர்த்துவாள் அம்மா
ஒரேயொரு
கைஅழுத்தத்தில்
எல்லாமே
உணர்த்துவார்
அப்பா...

முன்னால்
சொன்னதில்லை
பிறர் சொல்லித்தான்
கேட்டிருக்கிறேன்
என்னைப்
பற்றி பெருமையாக
அப்பா
பேசிக்கொண்டிருந்ததை...

அம்மா
எத்தனையோ முறை
திட்டினாலும்
உறைத்ததில்லை
உடனே
உறைத்திருக்கிறது
என்றேனும்
அப்பா
முகம் வாடும் போது

உன் அப்பா
எவ்வளவு உற்சாகமாக
இருக்கிறார் தெரியுமா
என என் நண்பர்கள்
என்னிடமே சொல்லும்
போதுதான் எனக்குத்
தெரிந்தது
எத்தனை பேருக்குக்
கிடைக்காத தந்தை
எனக்கு மட்டும் என...

கேட்ட உடனே
கொடுப்பதற்கு
முடியாததால் தான்
அப்பாவை அனுப்பி
இருக்கிறாரோ
கடவுள்..?

சிறுவயதில்
என் கைப்பிடித்து
நடைபயில
சொல்லிக்கொடுத்த
அப்பா
என் கரம் பிடித்து
நடந்த போது
என்ன நினைத்திருப்பார்..?

லேசாக என் கால்
தடுமாறினாலும்
பதறும் அப்பா
இன்று நான்
தடுமாறிய போது
பதறாமல் இருக்கிறார்
மீளா துயிலில்...

அம்மா செல்லமா
அப்பா செல்லமா
என கேட்டபோதெல்லாம்
பெருமையாகச் சொல்லி
இருக்கிறேன்
அம்மா செல்லமான
அப்பா செல்லம் என
இன்று
அப்பா சென்ற பின்னர்
நான் யார் செல்லம்..?

எத்தனையோ பேர்
நான் இருக்கிறேன்
எனச் சொன்னாலும்
அப்பாவை போல்
யார் இருக்க முடியும்..?

சொல்லிக்
கொடுத்ததில்லை
திட்டியதும் இல்லை
இல்லை என்றும்
சொன்னதுமில்லை
வேண்டாம் எனக்
கூறியதும் இல்லை
இருந்தும் ஏதோ
ஒன்றினால்
கட்டுப்படுத்தியது
அப்பாவின் அன்பு

நானும் காட்டியதில்லை
அவரும் காட்டியதில்லை
எங்கள் பாசத்தை...
இருந்தும் காட்டிக்
கொடுத்த கண்ணீரைத்
துடைக்க இன்று
அப்பாவும் இல்லை..

அம்மாவிடம்
பாசத்தையும்
அப்பாவிடம்
நேசத்தையும்
இன்றே உணர்த்துங்கள்
சில நாளைகள்
இல்லாமலும் போகலாம்...

by **ராஜா** Tue Jun 22, 2010 10:57 am

கண்ணீரைத் துடைக்க இன்று அப்பாவும் இல்லை - Page 2 67637

பாராட்டுவதற்கு வார்த்தைகள் எழ வில்லை கவி , என் மனதில் உள்ளவைகளை அப்படியே வார்த்தைக்களாய் செதுக்கியிருக்கிறீர்கள் நன்றி நன்றி நன்றி.

படித்ததும் கண் கலங்கி விட்டேன்,

by kalaimoon70 Tue Jun 22, 2010 11:21 am

நானும் காட்டியதில்லை
அவரும் காட்டியதில்லை
எங்கள் பாசத்தை...
இருந்தும் காட்டிக்
கொடுத்த கண்ணீரைத்
துடைக்க இன்று
அப்பாவும் இல்லை..

இது வார்த்தைகளில்லை,வாழ்க்கையின் உண்மைகள்..

சொல்ல வார்த்தைகளில்லை ..அருமை என்றால் மிகையில்லை...வாழ்த்துக்கள் தொடரட்டும் உங்கள் வாழ்க்கையின் பாச நிகழ்வுகள்.கவிதையாக ..

by Sentimental Idiot Mon Jul 05, 2010 11:10 pm

கவினிலே

என்னை அழ வைத்ததற்கு மிக்க நன்றி...

அருமையான வரிகள் ஆழமாய் பாய்ந்தது எந்தன் இதயத்தில்...

by ரபீக் Mon Jul 05, 2010 11:16 pm

கேட்ட உடனே
கொடுப்பதற்கு
முடியாததால் தான்
அப்பாவை அனுப்பி
இருக்கிறாரோ
கடவுள்..?

கண்களை குளமாக்கின கவிதை வரிகள் ,,,,,,

பாராட்டுதல்கள்

by drrajmohan Tue Jul 06, 2010 12:33 am

by செந்தில் Tue Jul 06, 2010 9:09 am

கண்ணீரைத் துடைக்க இன்று அப்பாவும் இல்லை - Page 2 677196

கண்ணீரைத் துடைக்க இன்று அப்பாவும் இல்லை - Page 2 678642

சிறுவயதில்
என் கைப்பிடித்து
நடைபயில
சொல்லிக்கொடுத்த
அப்பா
என் கரம் பிடித்து
நடந்த போது
என்ன நினைத்திருப்பார்..?
கண்ணீரைத் துடைக்க இன்று அப்பாவும் இல்லை - Page 2 677196