ரயில் பாதையில் குண்டு வெடிப்பு: சிதம்பரத்துக்கு அச்சுறுத்தலா?

விழுப்புரம் அருகே ரயில் பாதையில் நடந்த குண்டு வெடிப்பு சம்பவம், மத்திய உள்துறை அமைச்சர் ப. சிதம்பரத்தை அச்சுறுத்த தீவிரவாதிகள் மேற்கொண்ட முயற்சியா என்பது குறித்து தமிழக போலீஸôர் மற்றும் மத்திய உளவு பிரிவினரும் தீவிர விசாரணையை மேற்கொண்டுள்ளனர்.

விழுப்புரம் மாவட்டம் முண்டியம்பாக்கம்- பேரணி அருகே ரயில் பாதையில் நடந்த குண்டு வெடிப்பு தமிழகத்தில் மிகுந்த அதிர்ச்சியை ஏற்படுத்தியுள்ளது. சக்திவாய்ந்த டெட்டனேட்டர்கள் மற்றும் ஜெலட்டின் குச்சிகளைப் பயன்படுத்தி குண்டு வெடிப்பை நிகழ்த்தியுள்ளது முதல் கட்ட விசாரணையில் தெரியவந்துள்ளது. இதையடுத்து வெடிபொருள் பதுக்கும் கும்பல் மீது போலீஸôரின் விசாரணை திரும்பியுள்ளது.

சிதம்பரத்துக்கு அச்சுறுத்தல்: எனினும், நக்சலைட்டுகள் உள்ளிட்ட தீவிரவாத இயக்கங்கள் மீது அரசு கடும் நடவடிக்கை எடுத்து வருவதால் மத்திய அமைச்சர் ப. சிதம்பரத்தின் மீது தீவிரவாதிகள் தாக்குதல் நடத்தும் அபாயம் உள்ளதாக உளவுப் பிரிவினர் எச்சரித்துள்ளனர். இதையடுத்து அவருக்கு அதிதீவிர பாதுகாப்பு (இசட் பிளஸ் பிளஸ்) அளிக்கப்படுகிறது. இந்த நிலையில், சென்னையிலிருந்து மலைக்கோட்டை விரைவு ரயிலில் முதல் வகுப்பு ஏசி பெட்டியில் திருச்சிக்கு வெள்ளிக்கிழமை இரவு பயணம் செய்ய அமைச்சர் சிதம்பரம் திட்டமிட்டிருந்தார். இதற்காக அவசர ஓதுக்கீட்டின் படி (இ.க்யூ.) அவரது பயணம் உறுதி செய்யப்பட்டது. ஆனால், கடைசி நேரத்தில் ப. சிதம்பரம் தனது பயணத்தை ரத்து செய்துள்ளார். பொதுவாக மத்திய உளவுப் பிரிவினரின் அறிவுறுத்தலையடுத்து, பாதுகாப்பு கருதி அவரது பயணம் முக்கிய நேரத்தில் ரகசியமாக வைக்கப்படும் என அதிகாரிகள் தெரிவித்தனர்.

இவர் பயணம் செய்ய இருந்த மலைக்கோட்டை விரைவு ரயில் உள்ளிட்ட தென் மாவட்டங்களுக்கு இயக்கப்படும் அனைத்து ரயில்களும் சனிக்கிழமை அதிகாலை 1.15 மணிக்குள் விழுப்புரத்தை கடந்து சென்று விட்டன. இதன்பின் மறு மார்க்கத்தில் சேலம்- சென்னை எழும்பூர் விரைவு ரயில் மட்டுமே முதலாவதாக 1.30 மணியளவில் விழுப்புரத்தைக் கடந்துள்ளது. இதைத் தொடர்ந்து, கும்பகோணம் - சென்னை எழும்பூர் விரைவு ரயில் அடுத்த சில நிமிடங்களில் வந்துள்ளது. ஆனால், சேலம்- எழும்பூர் விரைவு ரயில் சென்ற சில விநாடிகளிலேயே குண்டு வெடிப்பு நிகழ்ந்துள்ளது. இதனால், இந்த இரு ரயில்களும் விபத்தில் சிக்காமல் தப்பின.

1987-ம் ஆண்டுக்குப் பிறகு 2-வது முறையாக மலைக்கோட்டை ரயிலுக்கு தீவிரவாதிகள் குறிவைத்து சதி செய்துள்ளது கண்டறியப்பட்டுள்ளது. குண்டு வெடிப்பு காரணமாக 14 விரைவு ரயில்கள் 6 மணி நேரத்துக்கும் மேலாக தாமதமாக வந்தன.