டிராபிக் ராமசாமிக்கு ரூ.10 ஆயிரம் அபராதம்

by **சிவா** Sat Jun 12, 2010 4:40 pm

கோர்ட்டு நேரத்தை வீணடித்ததால் டிராபிக் ராமசாமிக்கு ரூ.10 ஆயிரம் அபராதம்; ஐகோர்ட்டு உத்தரவு

டிராபிக் ராமசாமிக்கு ரூ.10 ஆயிரம் அபராதம் Abe1c209-13cc-4e18-aa16-be4fc3fd1092_S_secvpf

சென்னையைச் சேர்ந்த சமூக சேவகர் டிராபிக் ராமசாமி. ஐகோர்ட்டில் பொதுநல வழக்கு ஒன்று தொடர்ந்து இருந்தார். அதில், சென்னை பாரி முனையில் என்.எல்.சி. போஸ் சாலை, பந்தர் தெரு, மலைய பெருமாள் தெரு உள்ளிட்ட பகுதிகளில் மொத்தமாகவும், சில்லரையாகவும் நடக்கும் பட்டாசு விற்பனையை பாதுகாப்பு கருதி தீவுத்திடல் அல்லது வேறு ஒரு மைதானத்துக்கு மாற்ற உத்தரவிட வேண்டும் என்று கூறி இருந்தார்.

இந்த வழக்கு தற்காலிக தலைமை நீதிபதி தர்மாராவ் மற்றும் நீதிபதி சிவஞானம் முன்பு விசாரணைக்கு வந்தது. அப்போது அரசு பிளீடர் ஆஜராகி, ஏற்கனவே இதேபோன்றதொரு வழக்கில் 2008-ம் ஆண்டு இந்த கோர்ட்டு தீர்ப்பளித்துள்ளது என்று தெரிவித்தார்.

அப்போது மனுதாரர் டிராபிக் ராமசாமி வாதாடுகையில், கோர்ட்டு உத்தரவை சென்னை போலீஸ் கமிஷனர் பின் பற்றாததால் மீண்டும் இந்த வழக்கை தொடர்ந்ததாக தெரிவித்தார்.

இரு தரப்பு வாதத்தையும் கேட்ட நீதிபதிகள் உத்தரவு பிறப்பித்தனர். அதில், கூறி இருப்பதாவது:-

Òஇந்த பிரச்சினை தொடர்பான வழக்கில் 2008-ம் ஆண்டு ஐகோர்ட்டு ஒரு உத் தரவை பிறப்பித்தது. இந்திய வெடிபொருட்கள் சட்டத்தை முறையாக பின்பற்றி பட்டாசு விற்பனைக்கு லைசென்சு வழங்குவது மற்றும் அதன் நடைமுறைகளை சென்னை போலீஸ் கமிஷனர் சரியாக கடைபிடிக்க வேண்டும்.

பாதுகாப்பு விதிகளை முறையாக அமல்படுத்த வேண்டும் என்று தீர்ப்பளித் துள்ளது. இதை போலீஸ் கமிஷனரோ மற்ற அதிகாரிகளோ சரியாக பின்பற்றா விட்டால் மனுதாரர் அவர்கள் மனு நீதிமன்ற அவமதிப்பு வழக்கை தொடர்ந்திருக்கலாம். அதற்கு பதிலாக புதிய வழக்கு தொடர்ந்திருப்பதை இந்த கோர்ட்டு ஏற்றுக் கொள்ளவில்லை.

இது கோர்ட்டு நடவடிக்கையை தவறாக பயன்படுத்துவதாக உள்ளது. எனவே, கோர்ட்டு நேரத்தை வீண்டித்ததாக கருதி டிராபிக் ராமசாமி ரூ.10 ஆயிரத்தை ஐகோர்ட்டு தலைமை நீதிபதி நிவாரண தொகுப்புக்கு ஒரு வாரத்துக்குள் செலுத்த வேண்டும். இந்த மனு தள்ளுபடி செய்யப்படுகிறது.

இவ்வாறு அந்த தீர்ப்பில் தெரிவித்துள்ளனர்.