தெரிந்து கொள்ளுங்கள்: உலகக் கோப்பை ஹீரோ

1998-ம் ஆண்டு நடந்த உலகக் கோப்பை கால்பந்துப் போட்டியின் ஹீரோவாகத் திகழ்ந்தவர் பிரான்ஸ் வீரர் ஜினாடின் ஜிடேன். இறுதி ஆட்டத்தில் வல்லமை வாய்ந்த பிரேசிலுக்கு எதிராக 2 கோல்கள் அடித்து அணிக்கு கோப்பையைப் பெற்றுத் தந்து சரித்திரம் படைத்தார் ஜிடேன்.

÷பிரான்ஸின் மார்செய்ல் நகரில் 1972-ம் ஆண்டு பிறந்தார். 7 வயதில் கால்பந்து விளையாடத் துவங்கிய ஜிடேன் இளம்வயதிலேயே ஏராளமான வெற்றிகளைக் குவித்தார். 1988-ல் தொழில்முறை கால்பந்து வீரராக உருவெடுத்தார். கேன்ஸ், போர்தோ, ஜுவென்டஸ், ரியல் மாட்ரிட் அணிகளுக்காக விளையாடத் துவங்கினார்.

÷1998-ல் பிரான்ஸ் நாடு உலகக் கோப்பை கால்பந்தை நடத்தியது. அப்போதுதான் உலகப் புகழ்பெற்ற கால்பந்து வீரராக உருவெடுத்தார். இந்த கால்பந்துப் போட்டியின் அறிவிக்கப்படாத ஹீரோவாக பிரேசிலின் ரொனால்டோ திகழ்ந்தார். ஆனால் சத்தமில்லாமல் ஒரு யுத்தம் நடத்தி பிரான்ûஸ முதன்முறையாக கோப்பையை வெல்லச் செய்த பெருமை ஜிடேனுக்குக் கிடைத்தது.

÷இறுதி ஆட்டத்தில் ரொனால்டோ சரியாக விளையாடாமல் போக, ஜிடேன் 2 கோல்கள் அடித்தார். 2 முறையும் தலையால் பந்தை கோல் கம்பத்துக்குள் செலுத்தி கோப்பையைத் தட்டி வந்தார் ஜிடேன். 2002-ம் ஆண்டு உலகக் கோப்பையில் காயம் காரணமாக ஜிடேனால் சரியாக விளையாட முடியவில்லை. இதைத் தொடர்நது 2006-ம் ஆண்டில் நடந்த உலகக் கோப்பைப் போட்டியில் பிரான்ஸ் நுழைந்தது. ஜிடேன், ரேமண்ட் டோமனிக்கின் அபார ஆட்டத்தால் அந்த அணி இறுதிச் சுற்று வரை முன்னேறியது. இறுதிச் சுற்றில் பிரான்ஸ், இத்தாலி அணிகள் மோதின. பரபரப்பாக நடந்த இந்த ஆட்டத்தின் கூடுதல் நேரத்தின்போது ஒரு கட்டத்தில் ஆத்திரமடைந்த ஜிடேன், இத்தாலி வீரர் மார்க்கோ மடேராஸியின் மார்பில் தலையால் படுவேகமாக முட்டினார். இந்த மோதலில் நிலைகுலைந்த மார்க்கோ துள்ளி விழுந்தார். இதன் காரணமாக ஜிடேன் போட்டியிலிருந்து வெளியேற்றப்பட்டார். இத்தாலி கோப்பையை வென்றது.

÷1998-ல் ஹீரோவாக இருந்த ஜிடேன், 2006-ம் ஆண்டு போட்டியில் தன் நடத்தையின் காரணமாக வெளியேற்றப்பட்டார். இருந்தபோதும் பிரான்ஸýக்கு முதன்முதலாக கோப்பையைப் பெற்றுத் தந்தவர் ஜிடேன் என்பதை யாராலும் மறுக்க முடியாது.

÷1998, 2000, 2003-ல் பிஃபாவின் சிறந்த வீரராக தேர்வு செய்யப்பட்டார். 2006-ம் ஆண்டு உலகக் கோப்பையில் கோல்டன் பால் விருது வழங்கப்பட்டது.