பிரிட்டனில் அம்மன் ஆலயம் இடிக்கப்படும் அபாயம்

by ரபீக் Sat Jun 12, 2010 10:40 am

பிரித்தானியாவில் கடந்த 14 வருடங்களாக ரூட்டிங் பகுதியில் அமைந்துள்ள முத்துமாரி அம்மன் ஆலயம் தற்பொழுது இடிக்கப்படும் அபாயத்தை எதிர்நோக்கியுள்ளதாக இணையத்தள செய்தி ஒன்றில் தெரிவிக்கப்பட்டுள்ளது.
வரலாற்றுச் சிறப்புமிக்க இத்திருத்தலம் பிரித்தானிய மக்களின் நன்மதிப்பைப் பெற்ற ஓர் சைவத் திருத்தலம் என்பது குறிப்பிடத்தக்கது. அது மட்டுமன்றி சிறந்த தொண்டு நிறுவனமாகவும் இது திகழ்ந்து வருகிறது.

எனவே தமிழர்களும் தமிழர் கலாசார சின்னங்களும் தாயகத்தில் அழிக்கப்பட்டுவரும் இவ்வேளையில் புலம்பெயர்ந்த தேசத்திலும் அவ்வாறான அழிவுகள் நடைபெறாது தடுப்பதும் தமிழர் தம் உரிமைகளையும் கலாசார சின்னங்களையும் பாதுகாத்துக் கொள்வதும் மிக மிக அவசியமாகிறது.

இது தொடர்பாக குறித்த ஆலய நிர்வாகத்தினர் பிரித்தானியா வாழ் தமிழ் மக்களிடம் வேண்டுகோள் ஒன்றை விடுத்து அறிக்கை வெளியிட்டுள்ளனர்.