கண்ணீரும் மழைநீரும்

by சரண்யா Fri Jun 11, 2010 8:34 pm

பாரபட்சத்தை முதல்
முறையாக உணர்ந்தவள்
பாரினில் இப்படியும்
நடப்பதை அறியாதவள்
மனவலிமை இன்றி
அழுது கொண்டிருந்தாள்
அன்னாந்து இறைவனை
கேட்டு கொண்டிருந்தாள்
மனம் மாறும் மனிதர்களை
படைத்தது நீயே தானா
கண்ணீரால் கண்கள்
நனைந்து கொண்டிருந்தன
மழைத்துளி அவள்
கண்ணீர்துளி மேல்
விழுந்தது ஆறுதலாக
இறைவன் அவளை
தேற்றுவதாக உணர்ந்தாள்
கண்ணீரின் நீருற்று
அந்த மழையின்
நீருடன் கலந்து
மண்ணில் சேர்ந்தது
தெளிவடைந்தது போல
யதார்த்தமாக எல்லாவற்றையும்
ஏற்று தானே ஆகவேண்டும்....
என மனதிலே நினைத்து
கொண்டே சென்றாள்......

by அப்புகுட்டி Fri Jun 11, 2010 8:48 pm

சோக வரிகள் அனைத்தும்
நன்றி தொடருங்கள்.

by மஞ்சுபாஷிணி Fri Jun 11, 2010 9:14 pm

கண்ணீரின் அழுகை உவர்ப்பை
மழைநீரின் அரவணைக்கும் இனிப்பு
இறைவனின் ஒவ்வொரு படைப்பும்
இப்படியே தான் அதை நீ நம்பு
ஆறுதலாய் சோகங்கள் தீர்த்து
ஆனந்த சாரலாய் தெளிப்பான்.....

அழகிய படத்தோடு அருமையான கவிதை சரண்யா

அன்பு பாராட்டுக்கள்