1001 ஆவது பதிவாக இக்கவிதை சமர்ப்பிக்கிறேன்.. உறுதி இது உறுதி....

by மஞ்சுபாஷிணி Fri Jun 11, 2010 4:23 pm

உறுதி இது உறுதி...

அளவுக்கு மீறிய அன்பினால்
கோபம் தொலைவது உறுதி

பண்பாய் பாங்குடன் பழகினால்
உறவுகள் அமைவது உறுதி

கனிவாய் திருவாய் மலர்ந்தால்
கடுமை மறைவது உறுதி

அயறாது விடாது உழைத்தால்
வெற்றி கிடைப்பது உறுதி

வெற்றியே கிட்டாது போனாலும்
அனுபவங்கள் பாடங்களாவது உறுதி

முயற்சியில் தோற்காது பாடுபட்டால்
கிட்டாத வெற்றி கிட்டும் அது உறுதி

நம்பிக்கையுடன் உதவிக்காய் கைநீட்டினால்
தன்னுயிரையும் தரும்நட்பு அது உறுதி

உறுதிமொழி காக்கும் அரசியல்வாதிகளால்
நாட்டில் பஞ்சமென்பது இருக்காது உறுதி

தீவிரமாக அன்பையே கடைபிடித்தால்
தீவிரவாதமே வளராது உறுதி

சாதித்து உள்ளூரிலேயே உழைத்தால்
இந்தியநாடு உலகிலேயே உயரும் உறுதி...

by கலைவேந்தன் Fri Jun 11, 2010 4:34 pm

உனது ஈகரையில் ஆயிரமாவது படைப்பாக வந்துள்ள இந்த கவிதை கண்டிப்பாக அனைவரது மனத்தையும் ஆள்வது உறுதி இது உறுதி....!

பாராட்டுகக்ளும் வாழ்த்துக்களும் மஞ்சு...!

by சரவணன் Fri Jun 11, 2010 4:37 pm

அருமை அருமை. 1001 ஆவது பதிவாக இக்கவிதை சமர்ப்பிக்கிறேன்.. உறுதி இது உறுதி.... 677196

by kalaimoon70 Fri Jun 11, 2010 5:02 pm

வாழ்த்துக்கள்..இன்னும் படைக்க அதை நாங்கள் படிக்க தொடருங்கள் .....இன்னும் பதிப்புக்கள் .

by மஞ்சுபாஷிணி Fri Jun 11, 2010 5:21 pm

கலை wrote:உனது ஈகரையில் ஆயிரமாவது படைப்பாக வந்துள்ள இந்த கவிதை கண்டிப்பாக அனைவரது மனத்தையும் ஆள்வது உறுதி இது உறுதி....!

பாராட்டுகக்ளும் வாழ்த்துக்களும் மஞ்சு...!

உன் ஆசிகள் என்றும் என்னோடு கலை....