வாரன் ஆன்டர்சன், அமெரிக்காவின் நிர்ப்பந்தம் காரணமாகவே பத்திரமாக இந்தியாவை விட்டு -திக்விஜய் சிங்

ரபீக் · ரபீக் Thu Jun 10, 2010 6:12 pm

போபால் விஷ வாயு கசிவு சம்பவத்திற்கு காரணமான யூனியன் கார்பைடு நிறுவன தலைமை நிர்வாக அதிகாரி வாரன் ஆன்டர்சன், அமெரிக்காவின் நிர்ப்பந்தம் காரணமாகவே பத்திரமாக இந்தியாவை விட்டு வெளியேற்றப்பட்டதாக காங்கிரஸ் கட்சியின் மூத்த தலைவர் திக்விஜய் சிங் குற்றம் சாற்றியுள்ளார்.

1984 ஆம் ஆண்டு டிசம்பர் 7 ஆம் தேதி,போபால் விஷ வாயு கசிவு சம்பவம் நிகழ்ந்தது.அப்போது மத்திய பிரதேசத்தில் அர்ஜூன் சிங் முதலமைச்சராக இருந்தார். அவரது அமைச்சரவையில் திக்வியஜ் சிங்கும் அமைச்சராக அங்கம் வகித்தார்.

இந்நிலையில் போபா விஷ வாயு கசிவு நிகழ்ந்த 3 தினங்கள் கழித்து, ஆன்டர்சனை போபாலை விட்டு வெளியேற அனுமதிக்குமாறு தலைமைச் செயலரிடமிருந்து தமக்கு உத்தரவு வந்ததாக, அப்போதைய மாவட்ட ஆட்சித் தலைவராக பணியாற்றிய மோடி சிங் நேற்று குற்றம் சாற்றியிருந்தார்.

இதற்கு அப்போதைய முதலமைச்சர் அர்ஜூன் சிங் கருத்து ஏதும் தெரிவிக்காத நிலையில், அவரது அமைச்சரவையில் அங்கம் வகித்த திக்விஜய் சிங், அர்ஜூன் சிங்கை பாதுகாக்கும் வகையில், அமெரிக்காவின் நிர்ப்பந்தம் காரணமாகவே ஆன்டர்சன் பத்திரமாக இந்தியாவை விட்டு வெளியேற்றப்பட்டதாக கூறியுள்ளார்.

அவரை வெளியேற்ற எடுக்கப்பட்ட முடிவு இந்திய அரசின் அமைச்சரவைக் குழுவால் எடுக்கப்பட்டது. அந்த முடிவை அமல்படுத்தும் பணியை மட்டுமே மத்தியபிரதேச அரசு செய்தது என்று அவர் மேலும் கூறினார்.

திக்விஜய் சிங்கின் இந்த கருத்து அப்போதைய பிரதமர் ராஜீவ் காந்தி தலைமையிலான மத்திய அரசையே மறைமுகமாக குற்றம் சாற்றுவதாக உள்ளது குறிப்பிடத்தக்கது.

வாரன் ஆன்டர்சன், அமெரிக்காவின் நிர்ப்பந்தம் காரணமாகவே பத்திரமாக இந்தியாவை விட்டு -திக்விஜய் சிங்

வாரன் ஆன்டர்சன், அமெரிக்காவின் நிர்ப்பந்தம் காரணமாகவே பத்திரமாக இந்தியாவை விட்டு -திக்விஜய் சிங்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக