Latest topics

வருடகணக்கில் காத்திருக்க வேண்டியதில்லை விவாகரத்து பெறுவதை எளிதாக்க அரசு முடிவு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

வருடகணக்கில் காத்திருக்க வேண்டியதில்லை விவாகரத்து பெறுவதை எளிதாக்க அரசு முடிவு

Post by ரபீக் Thu Jun 10, 2010 12:56 pm

கருத்து வேறுபாடு காரணமாக பிரிய நினைக்கும் தம்பதியருக்கு விவாகரத்து ஒன்றே சட்டப் பூர்வ அங்கீகாரமாக உள்ளது. ஆனால் கோர்ட்டில் அவ்வளவு சுலபத்தில் விவாகரத்து கிடைத்து விடுவது இல்லை.

விவாகரத்து கொடுக்க குறிப்பிட்ட கால அளவை நிர்ணயித்துள்ளனர். அந்த கால அவகாசத்தில் சமரச முயற்சிகள் நடப்பதுண்டு. அந்த சமயத்தில் கணவன், மனைவி இரு தரப்பிலும் பரஸ்பரம் குற்றச்சாட்டுக்கள் தான் கூறுவதுண்டு.

இதனால் தேவை இல்லாமல் காலதாமதம் தான் ஏற்படுகிறது. இதை தவிர்த்து உடனுக்குடன் விவாகரத்து வழங்க வேண்டும் என்று கோரிக்கைகள் எழுந்தன. இது பற்றி மத்திய சட்ட அமைச்சகம் ஆய்வு செய்து வந்தது.

விவாகரத்து பெறுவதை எளிதாக்குவதற்காக இந்து திருமண சட்டம் 1955 மற்றும் சிறப்பு திருமண சட்டம் 1954 ஆகிய இரண்டிலும் திருத்தங்கள் செய்யப்பட்டுள்ளது. கணவன், மனைவி இருவரும் பிரிய முழுமனதுடன் சம்மதிக்கும் பட்சத்தில் உடனே விவாகரத்து கொடுக்கலாம் என்று சட்ட அமைச்சகம் பிரிந்துரைத்துள்ளது.

இது பற்றி இன்று நடக்கும் மத்திய மந்திரிசபை கூட்டத்தில் ஆலோசித்து முடிவு எடுக்கப்படுகிறது.

"நீங்கள் பேசினால் நல்லதைப் பேசுங்கள். அல்லது அமைதியாக இருந்து விடுங்கள்" - நபி (ஸல்)

ரபீக்: வழிநடத்துனர்; பதிவுகள் : 15128
இணைந்தது : 07/04/2010