கம்பம் அருகே 12 வயது சிறுமிக்கு திருமண ஏற்பாடு

ரபீக் · ரபீக் Tue Jun 08, 2010 3:55 pm

கம்பம் அருகே சிறுமிக்கு கட்டாய திருமணம் நடத்தி வைக்க முயன்ற அவரது தாய் கைது செய்யப்பட்டார்.
தேனி மாவட்டம் கம்பம் அருகே காமயகவுண்டன்பட்டியை சேர்ந்தவர் சுருளி. இவரது மகள் முத்து(12)(பெயர் மாற்றப்பட்டுள்ளது). தந்தை சுருளி ஏற்கனவே இறந்துவிட்டார். இவரது தாய் கோவிந்தம்மாள். முத்து தற்போது 8ம் வகுப்பு படிக்கிறார்.

கடந்த சில நாட்களுக்கு முன்பு, சின்னமனூரை சேர்ந்த சென்றாயன்(28) என்பவருக்கு முத்துவை திருமணம் முடிக்க பேச்சு நடந்தது. சிறுவயதில் திருமணத்தில் விருப்பம் இல்லாத முத்து, தனது தாயிடம் தொடர்ந்து படிக்க வேண்டும் என்று கூறியுள்ளார்.

ஆனாலும், திருமணம் நடந்தே தீரும் என்று கோவிந்தம்மாள் கூறினார். இதில், மனமுடைந்த முத்து, அருகிலுள்ள கோவிந்தன்பட்டியில் வசிக்கும் உறவினர் வீட்டுக்கு சென்று நடந்த சம்பவத்தை கூறினார். அவர்களது ஆலோசனையின்பேரில், உத்தமபாளையம் மகளிர் காவல் நிலையத்தில் முத்து புகார் செய்தார். இதுதொடர்பாக, போலீசார் கோவிந்தம்மாள், பெருமாள், ஆவுடையம்மாள், சென்றாயன் உட்பட 5 பேர் மீது வழக்குப்பதிவு செய்தனர். இவர்களில் கோவிந்தம்மாள் கைது செய்யப்பட்டார்