ஐநா சர்வதேச-நிதி-நிறுவனங்கள்-தோல்வி -ஹமீத் அன்சாரி

ரபீக் · ரபீக் Wed Jun 09, 2010 11:55 am

ஐ.நா. மற்றும் சர்வதேச நிதி நிறுவனங்கள் தோல்வியடைந்துவிட்டதாக குடியரசு துணைத் தலைவர் ஹமீத் அன்சாரி தெரிவித்துள்ளார்.

செக் குடியரசு நாட்டில் பயணம் மேற்கொண்டுள்ள அன்சாரி அந்நாட்டின் தலைநகர் பிராக்கில் நடைபெற்ற கருத்தரங்கு ஒன்றில் கலந்து கொண்டு உரையாற்றினார்.

அப்போது மேற்கண்டவாறு கூறிய அவர், அரை நூற்றாண்டு காலத்திற்கும் மேலாக இருக்கும் ஐ.நா. மற்றும் சர்வதேச நிதி நிறுவனங்களால் 2010 ஆம் ஆண்டின் யதார்த்தத்தை பிரதிபலிக்க முடியவில்லை என்றார்.

மற்ற பிரச்னைகளுக்கு தீர்வு காணக்கூடிய திறமையுடைய ஐ.நா.வால், அரசியல் பிரச்னைகளுக்கு தீர்வு காண இயலவில்லை என்றும், நாடுகள் அடிப்படையில் ஏராளமான சர்வதேச பிரச்னைகள் தீர்க்கப்படாமல் உள்ளதாகவும் அவர் கூறினார்.

அனைத்து நாடுகளும் அங்கம் வகித்து வாக்களிக்க கூடிய வகையில் ஐ.நா. சபை உள்ளது.அதே நேரத்தில், உரிய பிரதிநிதித்துவம் இல்லாத ஐ.நா. பாதுகாப்பு கவுன்சிலை நாம் கொண்டுள்ளோம். இத்தகைய முறை பிரச்னைகளை தீர்க்க முடியாது.

அதேப்போன்றுதான் கடந்த ஆண்டு ஏற்பட்ட சர்வதேச பொருளாதார நெருக்கடியில் சர்வதேச நிதி நிறுவனங்களும் தோல்வியடைந்துவிட்டன.அவற்றை மாற்றியமைக்க வேண்டும்.ஜி20 அமைப்பில் சில முயற்சிகள் மேற்கொள்ளப்பட்டு வருகின்றன. தேவை என்ன என்பது தெளிவாக உள்ளது;ஆனால் தீர்வுதான் இல்லை என்று அவர் மேலும் கூறினார்.

பாகிஸ்தான் குறித்த கேள்விக்கு பதிலளித்த அன்சாரி, முஷாரப் ஆட்சியின்போது இந்தியாவும் பாகிஸ்தானும் தங்களுக்கு இடையேயான பிரச்னைகளுக்கு தீர்வு காணும் நெருக்கத்தில் வந்ததாகவும், இதற்காக தொடர்ச்சியாக பல்வேறு மறைமுக நடவடிக்கைகள் மேற்கொள்ளப்பட்டு வந்ததாகவும் அவர் தெரிவித்தார்.

ஐநா சர்வதேச-நிதி-நிறுவனங்கள்-தோல்வி -ஹமீத் அன்சாரி

ஐநா சர்வதேச-நிதி-நிறுவனங்கள்-தோல்வி -ஹமீத் அன்சாரி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக